Кіроўная партыя Грузіі абрала новага лідара

Іраклій Кабахідзэ быў тры гады спікерам парламента Грузіі.

Кіроўная партыя Грузіі «Грузінская мара - Дэмакратычная Грузія» абрала сваім новым лідарам Іраклія Кабахідзэ, былога спікера парламента. Як піша «Еўрапейская праўда», пра гэта паведамляе «Радыё Свабода».

Кандыдатуру Кабахідзэ вылучыла палітрада «Грузінскай мары», яе аднагалосна падтрымалі амаль 400 прысутных удзельнікаў з'езду.

Сваю прамову пасля абрання Кабахідзэ пачаў з падзякі папярэдняму лідару палітсілы Іванішвілі.

Іраклію Кабахідзэ 42 гады. З 2001 года ён быў выканаўчым сакратаром «Мары», у 2016-2019 гадах - спікерам парламента; у 2020 годзе ўзначальваў выбарчы штаб «Грузінскай мары».

11 студзеня заснавальнік і старшыня кіроўнай партыі Грузіі «Грузінская мара - Дэмакратычная Грузія», мільярдэр Бідзіна Іванішвілі абвясціў, што сыходзіць з палітыкі.

«Грузінская мара» была заснаваная ў 2012 годзе і з'яўляецца кіроўнай партыяй у Грузіі. Ёй належыць 89 з 150 месцаў у парламенце.