Швейцарская кампанія выйшла з праекта будаўніцтва «Паўночнай плыні-2» праз санкцыі ЗША

Супрацоўнікі Дзярждэпартаменту ЗША папярэдзілі еўрапейскія кампаніі.

Швейцарская страхавая кампанія Zurich Insurance наважыла адмовіцца ад удзелу ў праекце будаўніцтва газаправода «Паўночная плынь - 2» праз рызыку патрапіць пад амерыканскія санкцыі. Пра гэта паведаміла агенцтва Bloomberg (пераклад - nv.ua) са спасылкай на крыніцы.

Кампанія падавала страхавыя паслугі. Яна можа трапіць пад санкцыі, прадугледжаныя ў абаронным бюджэце ЗША на 2021 год. Reuters пісаў, што супрацоўнікі Дзярждэпартамента ЗША папярэдзілі еўрапейскія кампаніі, якія задзейнічаны ў праекце, што яны могуць трапіць пад санкцыі. Агенцтва адзначала, што гаворка ідзе, між іншым, пра Zurich Insurance Group.

Калі інфармацыя пра выхад Zurich Insurance Group пацвердзіцца, яна стане трэцяй за гэты месяц кампаніяй, якая наважыла адмовіцца ад удзелу ў праекце. Раней пра гэта заявілі нарвежская кампанія DNV GL, якая павінна была сертыфікаваць газаправод, а таксама дацкая інжынерная фірма Ramboll.