6 сакавiка 2021, Субота, 7:23
Сім сім, Хартыя 97!
Рубрыкі

У Нямеччыне выступілі за дазвол вакцынаваным грамадзянам хадзіць у кіно і рэстарацыі

7
У Нямеччыне выступілі за дазвол вакцынаваным грамадзянам хадзіць у кіно і рэстарацыі

З такой ініцыятывай выступіў кіраўнік нямецкага МЗС.

Міністр замежных спраў Нямеччыны Гайко Маас выступіў за паслабленне карантыну для вакцынаваных ад каранавіруса грамадзян.

У інтэрв'ю Bild am Sonntag ён заявіў, што пасля прышчэпкі людзі павінны мець магчымасць наведваць рэстарацыі і кінатэатры, піша «Новое время».

«Калі ў рэстарацыях або кінатэатрах будуць толькі вакцынаваныя людзі, яны не будуць прадстаўляць пагрозу адзін аднаму», - сказаў Маас.

Ягоная заява кантрастуе з пазіцыяй урада ФРГ, які выступае супраць такіх паслабленняў.

Міністр унутраных спраў Хорст Зэехофэр папярэджваў, што паслабленне абмежаванняў для прышчэпленых людзей можа выклікаць раскол у грамадстве.

Масавая вакцынацыя ад каранавіруса ў Нямеччыне пачалася ў пачатку студзеня. Для прышчэпак выкарыстоўваецца вакцына BioNTech-Pfizer.

Нягледзячы на строгі каранцін, які будзе дзейнічаць як мінімум да канца месяца, колькасць выпадкаў каранавіруса ў краіне застаецца высокай. Цяпер у Нямеччыне зафіксавана агулам больш як 2 мільёны выпадкаў захворвання COVID-19 і амаль 46 тысяч смерцяў, выкліканых ўскладненнямі ад хваробы.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».