25 лютага 2021, Чацвер, 6:00
Сім сім, Хартыя 97!
Рубрыкі

Шаранговіч распавёў пра першую закінутую шайбу ў НХЛ

3
Шаранговіч распавёў пра першую закінутую шайбу ў НХЛ

Беларускі хакеіст прынёс сваёй камандзе перамогу ў матчы з Бостанам.

Беларускі нападнік «Нью-Джэрсі Дэвілс» Ягор Шаранговіч падзяліўся меркаваннем пра гульню з Бостанам (2:1) і распавёў пра першую закінутую шайбу ў НХЛ. Нагадаем, што ўчора, ужо ў другой гульні ў клубе ён стаў першай зоркай сустрэчы, забіўшы на перадапошняй секундзе овэртайму, піша sportarena.by.

- Гэта найлепшы момант у маёй хакейнай кар'еры. Я вельмі шчаслівы, бо мы перамаглі, набралі два балы, а я закінуў першую шайбу ў НХЛ.

- Апішы эпізод з пераможным голам.

- Я атрымаў файны пас ад Сіверсана і ўцёк на рандэву з галкіперам. Я проста кінуў па браме. Заплюшчыў вочы і кінуў.

- Хто сачыў за тваім матчам дома ў Беларусі?

- Напэўна, многія людзі. Таму што я першы гулец у НХЛ з нашай краіны за пяць гадоў. Папярэднім быў Міхаіл Грабоўскі, які тады выступаў за «Айлендэрс». Цяпер вось пачаў гуляць я. Мая сям'я, жонка, сябры - усё глядзелі гэты матч.

- Ты чакаў такі пас ад Сіверсана?

- Не, ён проста аддаў хвацкую перадачу. Мне заставалася толькі закінуць.

- Мы шмат размаўлялі ў апошнія месяцы. Ты вельмі хацеў прыехаць у НХЛ і працягваць гуляць тут так, як ты гуляў у КХЛ. Ужо атрымліваецца?

- У КХЛ і НХЛ розны хакей. Тут трэба рабіць усё значна хутчэй. Тут меншыя пляцоўкі, больш гульні ў цела. Над гэтым мне яшчэ трэба працаваць, звыкаць да гэтага.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».