У Маскве затрымалі ці скасавалі больш за 40 рэйсаў

Сёння ва «Унукава» з Берліна павінен прыляцець Навальны.

У маскоўскіх аэрапортах на фоне варункаў надвор'я затрыманыя або скасаваныя больш за 40 авіярэйсаў, паведамляе РБК са спасылкай на звесткі «Яндекс.Расписания».

На 15:40 17 студзеня ва «Унукаве» затрыманыя дзевяць рэйсаў і скасаваныя яшчэ два.

У «Дамадзедаве» 19 рэйсаў затрыманыя, адзін скасаваны. У «Шарамеццеве» - дзевяць затрыманыя, два скасаваныя.

Сэрвіс спасылаецца на інфармацыю, пададзеную самімі аэрапортамі. Затрымкай «Яндекс.Расписания» ўважаюць адхіленне рэйса ад графіка на 30 хвілін і больш.

У прэс-службе «Дамадзедава» заявілі, што крытычных затрымак у аэрапорце няма, час вылетаў некаторых рэйсаў можа быць скарэктаваны праз непагадзь: «Ва ўмовах снегападу патрабуецца правядзенне дадатковых мерапрыемстваў, каб гарантаваць бяспеку палётаў - ачыстка ўзлётна-пасадачнай паласы, каб не дапусціць утварэння галалёду, і апрацоўка самалёта супраць абледзянення».

«Бачнасць у раёне дастатковая для здзяйснення ўзлётна-пасадачных аперацый. У штатным рэжыме працуюць абедзве ВПП», - дадалі ў «Дамадзедаве».

Як заявіў РІА «Новости» вядучы супрацоўнік цэнтра надвор'я «Фобас» Яўген Цішкавец, напярэдадні, 16 студзеня, у Маскве выпала 12 мм ападкаў - амаль 30% месячнай нормы. З ягоных слоў, мінулая ноч стала самай марознай у гэтым сезоне, да 9 раніцы слупкі тэрмометраў на базавай сталічнай метэастанцыі ВДНХ апусціліся да мінус 21,2.

17 студзеня а 19:20 у Маскву з Берліна павінен прыляцець апазіцыянер Аляксей Навальны, ён прыбывае ва «Унукава» рэйсам «Перамогі».