Менчукі зладзілі вадохрышчанскі забег

Забег праходзіў пры -18 градусах.

Сёння прайшоў арганізаваны Беларускай федэрацыяй лёгкай атлетыкі Вадохрышчанскі забег. Яго прымеркавалі да свята, якое якраз сёння і адзначаецца. Старт далі ад спарткомплексу «Дынама», паведамляе onliner.by.

Удзельнікам прапанавалі дзве дыстанцыі, і абедзве вельмі суровыя, калі браць да ўвагі тэмпературу прыкладна мінус 18 градусаў: 5 кіламетраў і 300 метраў (1 кола) альбо 20 кіламетраў і 300 метраў (4 колы).

Спартоўцаў падзялілі паводле полу і катэгорыяў: 30 гадоў і менш, 31–40 гадоў, 41–50 гадоў, 51–60 гадоў, а таксама 60 гадоў і больш. Пераможцам уручылі ўзнагароды.