Кіраўнік Еўрарады і дарадца Байдэна заклікалі вызваліць Навальнага
4- 18.01.2021, 11:42
- 9,080
Як Захад рэагуе на затрыманне расейскага апазіцыйнага палітыка.
Праваабаронцы і замежныя палітычныя лідары заклікалі расейскія ўлады вызваліць апазіцыянера Аляксея Навальнага, які вярнуўся ў нядзелю з Нямеччыны ў Расею і адразу ж па прылёце ў Маскву быў затрыманы, паведамляе "Радыё Свабода".
Федэральная служба выканання пакаранняў сцвярджае, што Навальны, які лячыўся ў Нямеччыне пасля атручвання, парушыў правілы выпрабавальнага тэрміну, і просіць аб замене ўмоўнага тэрміну аб крымінальнай справе на рэальны - 3,5 гады пазбаўлення волі.
У ФСВП сцвярджаюць, што ён застанецца пад вартай да суда па меры стрымання, паводле закону такі суд павінен адбыцца на працягу 48 гадзін. А суд пра замену ўмоўнага тэрміну на рэальны прызначаны на 29 студзеня.
Навальны ведаў, што можа быць затрыманы, але не адмовіўся ад планаў вяртання ў Расею. У кароткім выступе перад журналістамі ў аэрапорце ў Маскве ён сказаў, што не баіцца.
"Они действительно поставили авиационную безопасность огромного, прекрасного города под угрозу. Зачем? Как Путин сказал? «Да кому он нужен?». Я прилетел сюда. Я абсолютно счастлив, что прилетел". Выступление Алексея Навального в Шереметьеве - https://t.co/YegW3PGlMQ pic.twitter.com/HccDvXHNul
— Радио Свобода (@SvobodaRadio) January 17, 2021
Праваабарончыя арганізацыі разглядаюць пераслед Навальнага як палітычна матываваны. Amnesty International заявіла, што ўважаюць Навальнага за вязня сумлення. Вызваліць Навальнага заклікала і Human Rights Watch, назваўшы яго пераслед палітычна матываваным.
— Tanya Lokshina (@TanyaLokshina) January 17, 2021
Старшыня Еўрапейскай рады Шарль Мішэль назваў затрыманне Навальнага "непрымальным" і заклікаў вызваліць яго. З такім жа заклікам выступілі кіраўнік замежнапалітычнага ведамства ЕЗ Жазэп Барэль і лідар Еўрапейскай народнай партыі Дональд Туск.
Затрыманне Навальнага асудзілі кіраўніка МЗС краін Балтыі. У іх супольнай заяве гаворыцца, што Еўразвяз павінен разгледзець пытанне аб санкцыях супраць Расеі, калі апазіцыянера не вызваляць.
Заявление МИД 🇱🇻🇪🇪🇱🇹 «Задержание Алексея Навального абсолютно неприемлемо. Мы требуем от российских властей его незамедлительного освобождения. Евросоюз должен реагировать быстро, если он не будет освобожден, то надо рассмотреть введение санкций против 🇷🇺 в связи с этой акцией»
— Edgars Rinkēvičs (@edgarsrinkevics) January 17, 2021
Вызваліць Навальнага заклікалі і іншыя еўрапейскія палітыкі. Кіраўнік МЗС Польшчы напісаў словы салідарнасці на расейскай мове.
Решительно осуждаю задержание @navalny и рассчитываю на его немедленное освобождение. Выражаю свою солидарность со всеми Россиянами, которым близки идеалы арестованного российского оппозиционера. Алексей, держитесь! #Navalny
— Zbigniew Rau (@RauZbigniew) January 17, 2021
Віцэ-канцлер Нямеччыны Олаф Шольц назваў затрыманне Навальнага незаконным. "З чалавекам паступілі несправядліва. Быў учынены замах на ягонае жыццё, дзяржава павінна была абараняць, а не затрымліваць яго", - сказаў Шольц.
Неадкладна вызваліць Аляксея Навальнага заклікаў расейскія ўлады дзяржсакратар ЗША Майк Пампэа. "Упэўненыя ў сабе палітычныя лідары не баяцца галасоў апанентаў, не прымяняюць гвалт у дачыненні да сваіх палітычных апанентаў і не ладзяць незаконных арыштаў", - заявіў Пампэа.
Дарадца ў нацыянальнай бяспецы абранага прэзідэнта ЗША Джо Байдэна Джэйк Саліван асудзіў затрыманне Навальнага, назваўшы яго абразай для грамадзян Расеі, якія хочуць, каб іх голас быў пачуты. Ён таксама заклікаў расследаваць атручэнне апазіцыянера.
Mr. Navalny should be immediately released, and the perpetrators of the outrageous attack on his life must be held accountable. The Kremlin’s attacks on Mr. Navalny are not just a violation of human rights, but an affront to the Russian people who want their voices heard.
— Jake Sullivan (@jakejsullivan) January 17, 2021