Японец зарабіў амаль $300 тысяч, прапаноўваючы паслугі па «марнаванні часу»

Да мужчыны, які гатовы есці, піць і даць няхітры парады кліенту, звярнулася ўжо блізу трох тысяч чалавек.

Седзі Марымота з Токіа зарабіў больш за 288 000 тысячах даляраў за некалькі гадоў, прапаноўваючы паслугі прафесійнага «марнавання часу» і нават напісаў пра гэта кнігу, паведамляе The Independent.

Адзначаецца, што 37-гадовы мужчына мае навуковую ступень у фізіцы і у 2018 годзе наважыў кінуць працу ў выдавецтве.

«Прапаную сябе ў арэнду як чалавек, які не робіць нічога. Вам складана самастойна зайсці ў краму? Бракуе гульца ў вашай камандзе? Вам патрэбны хтосьці, хто зойме для вас месца? Я не магу рабіць нічога, акрамя элементарных рэчаў», - напісаў Марымота ў Twitter

Спачатку ён прапаноўваў свае паслугі бясплатна, але кліентаў было столькі, што яму давялося ўсталяваць кошт за свае паслугі, каб абмежаваць колькасць замоў.

Са слоў японца, за 10 000 ен (прыкладна 96 даляраў) плюс выдаткі на праезд і харчаванне ён гатовы «есць, піць і даваць простыя адказы».

За некалькі гадоў да яго звярнуліся блізу трох тысяч чалавек. Так, ён суправаджаў кліентаў на абедах і шлюбаразводных працэсах, рабіў фота для Instagram і лавіў матылькоў у парку.

Адзін чалавек наняў яго, каб распавесці пра дасканалае забойства, а другі папрасіў адвезці на месца спробы суіцыду.

У выніку за некалькі гадоў Марымота зарабіў больш за 288 000 тысячах даляраў і апублікаваў кнігу пра свой кар'ерны шлях. Таксама ён здабыў папулярнасць у сацыяльных сетках - на Twitter-старонку мужчыны падпісаныя 270 000 чалавек.

Седзі падкрэсліў, што ў асноўным людзі наймаюць яго праз адзіноту і нуду.

«Я не мог прымусіць сябе пайсці ў бальніцу, але справіўся з гэтым, таму што ён суправаджаў мяне», «Я рады, што змог прагуляцца з кімсьці, захоўваючы пры гэтым зручную дыстанцыю, калі нам не трэба было гаварыць, але мы маглі б, калі б захацелі», - напісалі ў водгуках кліенты мужчыны.

Сам ён лічыць сябе не сябрам і не знаёмым, а чалавекам, які можа дапамагчы справіцца з пачуццём адзіноты.