У палітвязня Ігара Лосіка, які трымае галадоўку 36 дзён, пагоршыўся стан здароўя
5- 19.01.2021, 16:28
- 17,059
Аднак блогер здавацца не збіраецца.
Здароўе палітвязня, блогера Ігара Лосіка, які трымае галадоўку ў жодзінскім СІЗА з 15 снежня, пагоршылася. Пра гэта паведаміў «Радыё Свабода» адвакат Дзмітрый Лепрэтэр, які наведаў Лосіка 19 студзеня.
Са слоў адваката, Ігар не жадае спыняцца і мае намер прадаўжаць галадоўку.
«Адчувае ён сябе горш, чым падчас мінулай сустрэчы. Ігар сам мне гэта сказаў. У яго з'явілася слабасць і праблемы з ціскам. Раніцай ён вельмі нізкі, проста вельмі. Увечары падвышаны. Ціск Ігару вымярае лекар, ён таксама цікавіцца ягоным самаадчуваннем. Таксама былі размовы з псіхолагам у Ігара», - распавёў адвакат.
Адвакат распавёў, што Ігар стаў атрымліваць лісты. У пятніцу ён атрымаў амаль 80 лістоў.