На інаўгурацыю Байдэна ў Вашынгтон прыбылі блізу 25 тысяч нацгвардзейцаў
6- 19.01.2021, 18:11
- 11,968
Сакратар абароны заявіў, што не фіксуе магчымасці «ўнутранай пагрозы».
Цяпер ужо блізу 25 тысяч вайскоўцаў Нацыянальнай гвардыі ЗША прыбылі ў Вашынгтон (акруга Калумбія) для забеспячэння парадку падчас інаўгурацыі абранага прэзідэнта Джозэфа Байдэна, якая адбудзецца 20 студзеня, паведамляе unian.net.
Карыстальнік Twitter заўважыў, што вайскоўцам не выдаюць магазіны для аўтаматаў. Ён падазрае, што вайскоўцы, якія падтрымліваюць Трампа, могуць учыніць замах.
Biden’s transition team has revealed there is a very real fear that members of the national guard who support President Trump might kill Biden during the inauguration so they’ve asked commanders to confiscate all ammo and magazines from the soldiers. See photo: pic.twitter.com/WUp8FKj0DZ
— @amuse (@amuse) January 17, 2021
Як паведамляе тэлеканал CNN, гэта колькасць амерыканскіх нацгвардзейцаў з'яўляецца максімальнай, якую дазволілі ў Пентагоне.
Колькасць вайскоўцаў Нацгвардыі ЗША ў Вашынгтоне стала расла ў апошнія дні, бо яны прыбывалі з іншых частак краіны. Яшчэ на сярэдзіну дня ў нядзелю, 17 студзеня, іх колькасць складала амаль 17 тысяч.
Учора, 18 студзеня, выканаўца абавязкаў сакратара абароны Крыстафер Мілер заявіў, што «маштабы вайсковага ўдзелу з'яўляюцца ўнікальнымі для гэтай інаўгурацыі. Ён дадаў, што выведка не фіксуе магчымасці «ўнутранай пагрозы» для бяспекі цырымоніі інаўгурацыі з боку сілаў Нацыянальнай гвардыі ЗША.