Пампэа пасля санкцый супраць «Фартуны» прыстрашыў «дадатковымі крокамі»

ЗША маюць намер спыніць «Паўночную плынь-2».

ЗША ў найбліжэйшай будучыні разгледзяць магчымасць дадатковых крокаў у рамках закона аб супрацьдзеянні апанентам Амерыкі праз санкцыі (CAATSA). Пра гэта заявіў Дзяржсакратар Майк Пампэа пасля абвяшчэння аб санкцыях у дачыненні да Расеі, яго словы прыводзіць прэс-служба Дзярждэпартамента.

«Злучаныя Штаты разгледзяць далейшыя дзеянні ў найбліжэйшай будучыні ў рамках CAATSA і Закона аб абароне еўрапейскай энэргетычнай бяспекі (PEESA) з папраўкамі», - сказаў Пампэа.

Раней у аўторак Вашынгтон увёў санкцыі супраць суднабазы трубаўкладчыкаў «Фартуна», які павінен быў дабудаваць «Паўночную плынь-2», а таксама супраць уладальніка карабля кампаніі «КВТ-Рус».

Дзяржсакратар падкрэсліў, што завяршэнне газаправода пазбавіць Украіну «жыццёва важных даходаў і зробіць яе даступнай для далейшых агрэсіўных дзеянняў Расеі». Акрамя таго, Пампэа заявіў, што «Паўночная плынь-2» дазволіць Маскве аказваць ціск на заходнюю Еўропу.