«Два гады не бачылі такіх снегападаў»

У «Гаррамаўтадары» распавялі, ці будзе штосьці замест солі.

У арганізацыі «Гаррамаўтадар Менгарвыканкама» распавялі, як спраўляюцца з снегападамі, чаму ў прыватным сектары прыбіраюць горш і ці плануецца выкарыстоўваць нешта, акрамя солі, піша tut.by.

Намеснік генеральнага дырэктара ва ўтрыманні аб'ектаў добраўпарадкавання «Гаррамаўтадар Менгарвыканкама» Уладзімір Латушкін распавёў, што працы для зімовага утрымання дарог прадпрыемства праводзіць з 15 кастрычніка.

- Арганізавана дзяжурства тэхнікі ў кругласутачным рэжыме, без выхадных. Апрацоўка і расчыстка праводзіцца на плошчы 24 мільёны квадратных метраў. Праводзяцца мерапрыемствы для ліквідацыі зімовай слізкасці, размеркавання процігалалёдных матэрыялаў і працы для прыбірання снегу - па маршрутах руху спецтэхнікі. Пачынаем звычайна з небяспечных участкаў - гэта масты, эстакады, вуліцы, якія належаць да першага ўзроўню патрабавання, далей спецтэхніка сыходзіць на астатнія маршруты, - распавёў Латушкін.

Латушкін кажа, што ёсць чатыры ўзроўні патрабаванняў для прыборкі вуліц. Чацвёрты ўзровень - гэта сядзібная забудова, прыватны сектар.

- Часта параўноўваюць: чаму там горш? Таму што там узровень патрабаванняў ніжэйшы, туды мы пазней накіроўваем тэхніку і там зусім іншыя крытэрыі ачысткі і апрацоўкі.

Прадстаўнік «Гаррамаўтадара» дадаў, што нарматыўныя дакументы дапускаюць наяўнасць снегу ў прыватнай забудове, «а потым службы дапрацоўваюць да ідэальнага стану».

Паводле яго слоў, прадпрыемства гатова да пагаршэння надвор'я.

- Два гады сапраўды не бачылі такіх снегападаў. Сярэдняспісачная колькасць машын і механізмаў, якія былі задзейнічаныя пры дзяжурствах - дзесьці 500 машын.

Але з 7 студзеня, калі пачаліся снегапады, прадпрыемства задзейнічала 610-760 адзінак тэхнікі. Зараз цягам дня працуе прыкладна 650 машын і механізмаў.

- Адразу выводзіць яе ўсю нельга - розныя тэхналагічныя працэсы, спачатку трэба апрацаваць праезную частку, ходнік, ачысціць снег, потым грузіць яго і вывозіць.

Колькасць прыбіральшчыкаў таксама павялічылі.

У гэтым годзе вывезлі 118 тысяч «кубоў» снегу, у мінулым - 4 тысячы

За зіму 2020-2021 года на апрацоўку пакрыццяў выдаткавалі 27 тысяч тон галіту маркі «А» - гэта значыць солі. Пясчана-салянай сумесі - 28,8 тысячы тон. На месцы, дзе складуюць снег, вывезена 118 тысяч кубічных метраў снегу, задзейнічаны снегаплавільны пункт.

Для параўнання, у мінулым годзе за такі ж перыяд выдаткавалі 10 тысяч тон галіту, 7 тысяч тон пясчана-саляной сумесі і вывезлі 4 тысячы кубічных метраў снегу.

Латушкін растлумачыў, што для процігалалёдных сумесяў выкарыстоўваюць тыя прыродныя рэсурсы, якія ёсць у Беларусі, а таксама ўлічваюць асяроддзе.

- Хтосьці параўноўвае з Аўстрыяй, дзе пасыпаюць гранітнай дробкай, потым яе збіраюць. Для нас гэта, па-першае, вельмі дорага. Па-другое, у нас інфраструктура не дазваляе гэта рабіць - гранітная драбкі будуць трапляць у сістэму ліўневай каналізацыі. На трасу - магчыма, у межах горада - не. Расолы - думалі, пераходзілі. Але гэта значна даражэй і трэба мяняць парк тэхнікі. Для меншай шкоды экалогіі мы закупілі ўстаноўку для падрыхтоўкі расола - калі працуе машына з соллю, яна яе змочвае, каб соль не разляталася, не трапляла на зялёную зону, а была толькі на тэрыторыі размеркавання, - патлумачыў Латушкін.