Будучы кіраўнік Пентагона падтрымлівае забеспячэнне Украіны смяротнай зброяй

Падтрымку Кіева ён назваў адным з прыярытэтаў.

Кандыдат на пасаду дзяржсакратара абароны (міністра абароны) ЗША Лойд Осцін падтрымлівае наданне Украіне смяротнага ўзбраення і ўважае дапамогу Украіне для ўмацавання яе абараназдольнасці важным накірункам супрацоўніцтва.

Як піша «Еўрапейская праўда», пра гэта ён сказаў 19 студзеня на слуханнях камітэта Сената ЗША што да Узброеных сіл падчас разгляду ягонай кандыдатуры, згодна з апублікаванай стэнаграмай.

Лойд Осцін адзначыў, што палітыка дапамогі ЗША для ўзмацнення здольнасці ўкраінскага войска павінна і далей заставацца прыярытэтам, таму ў выпадку прызначэння - і пры ўмове прадаўжэння рэформы кіравання і антыкарупцыйных рэформаў ва Украіне - будзе «магутна падтрымліваць намаганні, накіраваныя на вучэнні, забеспячэння абсталяваннем і кансультацыйнай падтрымкай для ўзмацнення здольнасці Узброеных сіл Украіны абараняць тэрытарыяльную цэласнасць краіны ад расейскай агрэсіі».

«Я падтрымліваю забеспячэнне смяротнай зброяй, каб гарантаваць наяўнасць ва Украіне неабходнага ўзбраення для самаабароны», - адзначыў Лойд Осцін.

Ён дадаў, што Украіна мае патрэбу ў разнастайным несмяротным абсталяванні, напрыклад, сродках для камунікацыі, якія прадстаўляюцца праз ініцыятыву па бяспецы падтрымкі Украіны (Ukraine Security Assistance Initiative (USAI).

«Цяпер ёсць добры баланс у дапамозе смяротным і несмяротнай узбраеннем, неабходным для забеспячэння здольнасці (Узброеных сіл) Украіны. Калі мяне зацвердзяць на пасадзе, я прадоўжу актыўна ацэньваць патрабаванні Украіны ў дапамозе і пры неабходнасці буду ўносіць карэктывы», - сказаў ён у адказ на пытанне аб тым, ці патрэбная вялікая доля смяротнай зброі ў структуры дапамогі.