У Лідзе прама на судзе затрымалі блізу 20 чалавек
15- 20.01.2021, 19:35
- 25,344
Лідчане прыйшлі ў лукашэнкаўскі «суд» выказаць сваю нязгоду.
Блізу 20 чалавек затрымалі ў Лідзе, калі яны прыйшлі ў суд падтрымаць Івана Касьпяровіча, адміністратара тэлеграм-канала «Доска позора Лида».
У каментары «Радыё Свабода» адна з затрыманых паспела паведаміць, што іх дапытваюць паводле крымінальнай справы, якую пачалі пасля суда над Вітольдам Ашуркам.
18 студзеня яму пасля закрытага працэсу прысудзілі пяць гадоў пазбаўлення волі. Пасля гэтага прысутныя ў судовай залі пачалі крычаць суддзі «Ганьба!», а таксама «Жыве Беларусь!», «Верым, можам, пераможам!».
Таксама паведамляюць, што напярэдадні затрымалі Андрэя Ашурку, брата Вітольда. А сёння ў Лідскім раёне затрымалі журналіста Юрыя Дзяшука - меркавана, таксама ў сувязі са згаданай крымінальнай справай.