25 лютага 2021, Чацвер, 16:36
Сім сім, Хартыя 97!
Рубрыкі

Байдэн прыбраў з кабінета кнопку, якой Трамп выклікаў афіцыянта з колай

14
Байдэн прыбраў з кабінета кнопку, якой Трамп выклікаў афіцыянта з колай
ДЖО БАЙДЭН

Экс-прэзідэнт ЗША ўжываў да 12 бляшанак напою на дзень.

Прэзідэнт ЗША Джо Байдэн прыбраў са свайго стала ў Авальным кабінеце чырвоную кнопку, з дапамогай якой у ягонага папярэдніка Дональда Трампа быў бесперабойны доступ да дыетычнай колы.

Пра гэта паведамляе The Hill.

Так, прылада, усталяваная на стале Resolute, не была відаць на фотаздымках прэзідэнта Байдэна, знятых у чацвер у Белым доме.

Трамп, вялікі прыхільнік дыетычнай колы, усталяваў кнопку на стол Resolute для бесперабойнага доступу да напою. Яе націск выклікаў супрацоўніка, які падаваў улюбёны напой прэзідэнта.

Паводле паведамленняў, Трамп рэгулярна ўжываў 12 бляшанак дыетычнай колы на дзень.

Былы памочнік ў Белым доме Крыс Сімс напісаў у сваёй кнізе «Каманда гадзюк» у 2019 годзе, што Трамп таксама выкарыстаў чырвоную кнопку як спосаб жартаваць з наведвальнікаў, робячы выгляд, што гэта ядзерная кнопка.

«Нечакана ён націснуў на кнопку. Не ведаючы, што рабіць, госці глядзелі адзін на аднаго з паднятымі бровамі. Праз некалькі хвілін у пакой увайшоў афіцыянт, несучы на срэбным падносе шклянку, напоўненую дыетычнай колай, і Трамп заліваўся смехам», - напісаў Сімс.

Хоць Байдэн, імаверна, пазбавіўся ад кнопкі, ён, як паведамляецца, падзяляе густы Трампа што да напояў. Арганізатар харчавання, які працаваў з былым віцэ-прэзідэнтам, летась распавёў The Washington Post, што Байдэн меў у сябе запасы Coke Zero.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».