Яўгену Афнагелю падоўжылі тэрмін знаходжання пад вартай

Палітыка хочуць пакінуць пад вартай да 25 сакавіка.

Каардынатару грамадзянскай кампаніі «Еўрапейская Беларусь» Яўгену Афнагелю падоўжылі тэрмін знаходжання пад вартай да 25 сакавіка, паведамляе тэлеграм-канал «Баста!».

Яшчэ два месяцы палітвязень прабудзе ў СІЗА на Валадарскага.

Нагадаем, актывіст «Еўрапейскай Беларусі» быў арыштаваны 25 верасня 2020 года. Яму былі выстаўленыя абвінавачванні на падставе ч.2 арт.293 КК РБ (удзел у масавых беспарадках).

Каб падтрымаць Яўгена, дашліце ліст ці паштоўку на адрас: СІЗА-1, вул. Валадарскага, 2, Менск. 220030