Жанчына, якую АМАПавец ударыў нагой у жывот на акцыі ў Пецярбургу, знаходзіцца ў рэанімацыі без прытомнасці
61- 24.01.2021, 11:06
- 47,883
Ноччу 54-гадовай расейцы стала горш.
54-гадовая жыхарка Санкт-Пецярбурга Маргарыта Юдзіна, якую супрацоўнік АМАПу ўдарыў нагой у жывот, знаходзіцца ў рэанімацыі ў несвядомым стане, паведамляе Baza.
Паводле інфармацыі выдання, ноччу жанчыне стала горш.
Як адзначае выданне, супрацоўнік АМАПу, які нанёс ёй траўму, пакуль не знойдзены.
Напярэдадні «Фонтанка» апублікавала відэа, дзе жанчына пытаецца ў АМАПаўцаў, якія праходзяць міма, за што яны затрымалі маладога чалавека. Мяркуючы з апублікаванага раней відэа, на плошчы Паўстання супрацоўнік АМАПу, які затрымаў удзельніка акцыі, ударыў Маргарыту нагой у жывот, ад чаго тая адляцела ад яго на метр і ўпала на спіну. Жанчына падышла да яго з пытаннем: «Ну чаго вы яго схапілі, хлопцы?»
Пасля гэтага Маргарыту Юдзіну шпіталізавалі ў лякарню імя Джанэлідзэ. У яе дыягнаставалі страсенне мозгу ад удару аб асфальт.
Паліцыя пачала праверку таго, што адбылося.