29 сакавiка 2024, Пятніца, 0:04
Падтрымайце
сайт
Сім сім,
Хартыя 97!
Рубрыкі

«Проста дасягнуты пункт кіпення»

1
«Проста дасягнуты пункт кіпення»

Што кажуць удзельнікі масавых мітынгаў у Расеі.

У Маскве і іншых буйных гарадах Расеі прайшлі масавыя акцыі ў падтрымку Аляксея Навальнага.

Паводле звестак СМІ, на акцыі выйшла як мінімум 110 тысячаў чалавек.

The Insider спросил вышедших на улицу россиян, почему они решили принять участие в акции несмотря на угрозы властей.

– Я пенсіянер. Я ўсё вельмі выразна разумею і бачу, што кіраўніцтва краіны – бандыты, якія ўзурпавалі ўладу. І я прыйшоў не дзеля сябе. Я ўжо пражыў, можна сказаць, гэтае жыццё. Я прыйшоў дзеля сваіх дзяцей, дзеля ўнукаў. Ніякага росквіту з гэтымі людзьмі ва ўладзе не будзе. Вось і ўсё, што я магу сказаць. Мы павінны згуртавацца, і вось будуць выбары ў Дзярждуму, мы павінны выбраць годных людзей, а не тое, што цяпер выбіраем. Для гэтага я толькі прыйшоў. Ідзе поўнае беззаконне. Я не прыхільнік Аляксея Навальнага, але так, як з ім абыходзяцца – гэта бандыцкія разборкі.

– Нейкая справядлівасць павінна быць. Я пражыла ў гэтай краіне 65 гадоў і нават не павінна была сёння выходзіць, бо гэта забаронена ў маім узросце. Але мне крыўдна за ўсё, што адбываецца тут. У мяне ёсць дзеці, унукі. Я сёння прыйшла з адной з унучак, бо ведаю, што ў дачыненні да яе будзе выяўленая такая ж несправядлівасць, як яе выяўляюць датычна ўсіх нас, жыхароў краіны. Гэта першы мітынг, на які я пайшла, да гэтага я нікуды не хадзіла. Назбіралася. І не толькі таму, што я так доўга сядзела дома. І потым інфармацыя, якую я мела магчымасць пачытаць – я здаровы чалавек, у мяне добрая адукацыя. Я бачу, што гэта праўда. Проста, напэўна, такі пункт кіпення. Да Навальнага я стаўлюся амаль ніяк, але мяне дзівіць ягоная смеласць. Я так не змагла б.

– Хочацца з'ехаць, але нідзе не чакаюць, таму прыйшлі сюды. І потым, гэта беззаконне, калі саджаюць людзей ні за што.

– Мы за вольную дзяржаву. Мы за дзяржаву без абмежаванняў, без карупцыі і крадзяжу. Гэта наша будучыня. Мы і самі з'яўляемся дзецьмі, так што мы выйшлі за сябе таксама.

– Мы прыйшлі адстойваць свае правы, таму што я мяркую, што такое самавольства ў краіне і ва ўладзе павінен спыніцца. Нашы грошы – гэта нашы грошы.

– Я прыйшоў за вызваленне нашай краіны ад беззаконня. Што дзеецца ў нашай краіне? Беззаконне. Хочацца, каб нашы дзеці і ўнукі жылі свабодна, каб у нашых дзяцей усё было. Мы не хочам быць рабамі. Мы не рабы, рабы не мы.

– Не, не страшна.

Напісаць каментар 1

Таксама сачыце за акаўнтамі Charter97.org у сацыяльных сетках