16 красавiка 2021, Пятніца, 10:30
Сім сім, Хартыя 97!
Рубрыкі

Нямеччына першай у ЕЗ пачне лячэнне COVID-19 антыцеламі, якое дапамагло Трампу

9
Нямеччына першай у ЕЗ пачне лячэнне COVID-19 антыцеламі, якое дапамагло Трампу

Гэтае лячэнне пакуль яшчэ з'яўляецца эксперыментальным.

Нямеччына стане першай краінай Еўрапейскага Звязу, якая пачне выкарыстоўваць тое ж эксперыментальнае лячэнне антыцеламі, якое дапамагло Дональду Трампу ў выздараўленні ад COVID-19.

Пра гэта заявіў міністр аховы здароўя Енс Шпан у нядзелю, паведамляе «Еўрапейская праўда» са спасылкай на AFP.

Урад набыў 200 000 доз за 400 млн еўраў», - сказаў Шпан.

Так званыя монакланальныя кактэйлі з антыцеламі будуць размешчаныя ва ўніверсітэцкіх лякарнях найбліжэйшым тыднем, сказаў ён, дадаўшы, што Нямеччына стане «першай краінай у ЕЗ», якая выкарыстоўвацьме іх у барацьбе з пандэміяй.

Шпан не назваў вытворцы, які будзе пастаўляць лекі, але пацвердзіў, што гэта быў той самы прэпарат, які прымаў былы прэзідэнт ЗША Трамп, калі захварэў у кастрычніку мінулага года.

«Яны працуюць як пасіўная вакцынацыя. Увядзенне гэтых антыцелаў на ранніх стадыях можа дапамагчы пацыентам з высокай рызыкай пазбегнуць больш сур'ёзнага прагрэсу», - сказаў Шпан.

Трампу, які быў ненадоўга шпіталізаваны з каранавірусам, была прызначаная тэрапія антыцеламі, распрацаванымі амерыканскай фірмай Regeneron, вядомай як REGN-COV2, яшчэ да таго, як лячэнне атрымала адабрэнне рэгулятара.

Пазней ён сказаў, што лекі зрабілі «фантастычную працу».

Заказ Нямеччыны паступае ў момант узмацнення расчаравання ў ЕЗ праз больш павольны, чым чакалася, выпуск вакцын.

Вытворцы вакцын Pfizer/BioNTech і AstraZeneca заявілі, што даставяць у Еўропу меншую колькасць доз, чым меркавалася ў найбліжэйшай перспектыве праз праблемы вытворчасці.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».