Героі былі заўсёды

26 гадоў у нас не было прэзідэнта.

Сярэднія тэрміны выжывальнасці пры «мокрай» галадоўцы - 44-55 дзён, піша Telegram-канал «Белыя халаты».

Калісьці, яшчэ ў кастрычніку, Лукашэнка, выступаючы на Гомсельмашы, сказаў, што ў Беларусі няма рэвалюцыянераў і, такім чынам, няма рэвалюцыі, бо, на ягоную думку рэвалюцыянер - гэта чалавек, гатовы пайсці на ўсё дзеля агульнага дабра, які верыць у поспех сваёй справы і дзеля яго можа нават загінуць.

Саша, расплюшчы вочы.

У засценках СІЗА ў Жодзіна сядзіць малады хлопец, якога ты пазбавіў права выбіраць, як яму жыць і як бараніць свае правы.

Гэты хлопец пайшоў на скрайнія меры супраць беззаконня, жаху, і гвалту, у якія ты, Саша, кінуў нашу краіну.

Ігар Лосік абраў доўгі, бясконца пакутлівы спосаб стаць прыкладам трывалай волі і стаяць да канца за праўду.

Ён гатовы ахвяраваць сваім жыццём у сваёй барацьбе за свабоду для Беларусі, для сябе і таварышаў, для яго сям'і, для нас усіх.

Няма ў Беларусі рэвалюцыянераў? Няма герояў?

Гэта не так.

26 гадоў у нас не было прэзідэнта.

Героі - былі заўсёды.