Навукоўцы: Дзеці значна радзей заражаюцца COVID-19, чым іх апекуны, а таксама радзей перадаюць вірус камусьці

Нямецкае даследаванне паказала, што дзеці не мелі ключавой ролі ў распаўсюдзе каранавіруса ў 2020 годзе.

Наўрад ці дзеці адыгралі значную ролю ў распаўсюдзе каранавіруса цягам першай хвалі пандэміі ў 2020 годзе. Да такіх высноў прыйшлі нямецкія даследчыкі з універсітэцкай дзіцячай лякарні ў Гейдэльбергу і Ульмскім універсітэцкім даследчым цэнтры, піша «УНІАН».

Дзеці менш пакутуюць ад COVID-19 - паказваюць звесткі розных краін па меншай смяротнасці сярод дзяцей, больш лёгкай плыні сімптомаў і цяжкасці захворвання. Дакладнай прычыны гэтага пакуль даследчыкі назваць не могуць. Аднак, спрачаюцца таксама, ці не з'яўляюцца пры гэтым дзеці асноўнымі распаўсюджвальнікамі віруса, таму апошняе нямецкае даследаванне, нядаўна апублікаванае ў JAMA Paediatrics, адмаўляе гэтую версію.

Нямецкія даследчыкі апрацавалі звесткі 4964 чалавек, палова з якіх бацькі, а іншая палова дзеці. Праца над даследаваннем прадаўжалася з красавіка да траўня 2020 года. Сярэдні ўзрост дзяцей быў 6 гадоў, але месцамі вагаўся да дзесяці гадоў, а сярэдні ўзрост бацькоў 40 гадоў.

Даследаванне паказала, што дзеці значна радзей заражаюцца, чым іх апекуны, а таксама радзей перадаюць вірус камусьці.

Усім удзельнікам зрабілі мазок, а таксама зрабілі аналізы крыві на прадмет выяўлення ўсіх прыкмет антыцелаў. Аналізы крыві выявілі, што 1,8% дарослых мелі антыцелы да віруса SARS-CoV-2, які выклікае COVID-19. Паказчык сярод дзяцей склаў толькі 0,6%, што ўтрая менш.

Звесткі таксама паказалі, што было 56 выпадкаў, калі прынамсі ў аднаго з сямейнікаў быў вірус. Выпадкаў, калі раней інфікаваны дарослы + не + дзіця было ў 4,3 разы часцей, чым выпадкаў, калі раней інфікаванае дзіця плюс інфікаваны бацька ці маці.

«У гэтым даследаванні было даведзена, што распаўсюджванне інфекцыі SARS-CoV-2 у перыяд локдаўну на паўднёвым захадзе Нямеччыны было асабліва нізкім сярод дзяцей ва ўзросце ад 1 да 10 гадоў. Адпаведна, малаімаверна, што дзеці з'яўляюцца прычынай ускладнення пандэміі», - гаворыцца ў высновах.

Аднак даследаванне праводзілася, калі школы былі зачыненыя, таму дзеці менш зазнавалі ўздзеянне віруса, але навукоўцы, якія не бралі ўдзелу ў даследаванні, кажуць, што гэта не азначае, што высновы вынікаў даследавання маглі б быць іншымі.

Даследаванне праводзілася вясной 2020 года, да з'яўлення новых штамаў віруса, напрыклад, брытанскага, які паводле папярэдніх высноў навукоўцаў робіць дзяцей больш уразлівымі да віруса.