У Польшчы зафіксаваныя самыя нізкія з кастрычніка паказчыкі заражэння і смяротнасці ад COVID-19
- 25.01.2021, 18:56
- 11,756
25 студзеня Міністэрства аховы здароўя Польшчы паведаміла аб 2 419 новых выпадках заражэння каранавірусам.
Міністэрства аховы здароўя Польшчы паведаміла аб 2 419 новых выпадках заражэння каранавірусам. У міністэрстве таксама паведамілі, што ад COVID-19 памерлі яшчэ 38 чалавек. Гэта самыя нізкія паказчыкі заражэння і смяротнасці ў Польшчы з кастрычніка мінулага года, паведамляе «Радыё Польшча».
Найбольшая колькасць новых заражэнняў зафіксаваная ў Мазавецкім і Паморскім ваяводствах. За мінулы дзень у Польшчы было праведзена больш за 20 тысяч тэстаў на наяўнасць каранавіруса.
Агулам на 25 студзеня ў Польшчы пацверджаныя амаль 1,5 млн выпадкаў заражэння каранавіруснай інфекцыяй, уключаючы амаль 35,5 тысячы смяротных вынікаў.
Тым часам колькасць заражэнняў каранавірусам у свеце набліжаецца да адзнакі 100 млн. Агулам з пачатку пандэміі ад COVID-19 памерлі больш за 2 млн 130 тысяч пацыентаў.