Брытанія стала першай еўрапейскай краінай з 100 000 ахвяраў COVID-19
7- 26.01.2021, 19:40
- 13,680
У Брытаніі самы высокі ўзровень смяротнасці ад каранавіруса на мільён чалавек, чым у любой іншай краіне.
Брытанія стала першай еўрапейскай краінай, дзе колькасць ахвяр пандэміі COVID-19 перавысіла 100 000. Гэта пацверджаная колькасць смерцяў.
Пра гэта піша The Times.
Паведамляецца, што за тыдзень, які завяршыўся 15 студзеня, у Вялікабрытаніі было зарэгістравана 7 776 смерцяў. У сведчаннях пра смерць гэтых людзей ёсць згадка пра каранавірус. Такім чынам, афіцыйнае колькасць памерлых пацыентаў з COVID-19 дасягнула 103 602.
Брытанія - пятая краіна ў свеце, якая дасягнула такіх лічбаў, пасля ЗША, Бразіліі, Індыі і Мексікі. Цяпер у ёй самы высокі ўзровень смяротнасці ад каранавіруса на 1 мільён чалавек, чым у любой іншай краіне.