ЕЗ патрабуе вызваліць Ігара Лосіка і іншых палітвязняў
2- 26.01.2021, 19:50
- 11,801
ФОТА: DPA
Пра гэта заявіў кіраўнік еўрапейскай дыпламатыі.
Еўразвяз заклікае беларускі рэжым вызваліць Ігара Лосік і іншых палітвязняў. Пра гэта напісаў у Twitter вярхоўны прадстаўнік у замежных справах і палітыцы бяспекі Жазеп Барэль.
«Рады, што Ігар Лосік спыніў 42-дзённую галадоўку. Спадзяюся, што ён хутка паправіцца. ЕЗ заклікае беларускія ўлады неадкладна вызваліць яго і ўсіх палітвязняў, журналістаў і ўсіх затрыманых за мірныя пратэсты, якія выступаюць за дэмакратычную перадачу ўлады пад кіраўніцтвам народа», - напісаў Барэль.
Палітвязень Ігар Лосік спыніў галадоўку ўчора, 25 студзеня. Ён галадаў з 15 снежня на знак пратэсту супраць выстаўлення яму абвінавачванняў. Лосік абвінавачваецца ў групавых дзеяннях, якія груба парушаюць грамадскі парадак (ч. 1 арт. 342 КК) і ў падрыхтоўцы да ўдзелу ў масавых беспарадках (арт. 13 ч. 2 арт. 293 КК).
Good to hear @ihar_losik stops his 42-day hunger strike. Hope for his quick recovery.
— Josep Borrell Fontelles (@JosepBorrellF) January 26, 2021
EU calls on #Belarus authorities to immediately release him and all political prisoners, journalists and all detained for peacefully protesting for a democratic transition led by the people.
