Кіраўнікоў МЗКЦ, МТЗ, БелАЗ ды іншых прадпрыемстваў затрымалі паводле абвінавачвання ў атрыманні хабараў

СК сцвярджае, што хабары былі атрыманыя ад расейцаў.

Следчы камітэт расследуе крымінальную справу ў дачыненні да службовых асоб буйных беларускіх прадпрыемстваў. Яны абвінавачваюцца ў атрыманні хабараў ад 50 да 250 тысяч расейскіх рублёў за спрыяльнае разгляд пытанняў, якія ўваходзяць у іх кампетэнцыю. Пра гэта паведамляе прэс-служба СК.

Крымінальная справа была распачатая 24 снежня паводле матэрыялаў ГУБАЗіК МУС.

Са звестак следства, кіраўнікі сярэдняга звяна ААТ «МЗКЦ», ААТ «Мінскі электратэхнічны завод імя В.І.Казлова», ААТ «Кавальскі завод цяжкіх штамповак», ААТ «БелАЗ» - кіроўная кампанія холдынгу «БЕЛАЗ-Холдынг» і ААТ «Мінскі трактарны завод» 22-23 снежня атрымалі ад прадстаўніка расейскага прадпрыемства ў якасці хабару грошы сумай ад 50 да 250 тысяч расейскіх рублёў (ад 1700 да 8500 даляраў - заўв.) за спрыяльнае развязанне пытанняў, якія ўваходзяць у іх кампетэнцыю.

«Паводле папярэдняй інфармацыі, службовыя асобы атрымалі ўзнагароджанне за дзеянні, звязаныя з закупкамі беларускімі прадпрыемствамі прадукцыі, у тым ліку, якая мае тэхнічныя адхіленні», - гаворыцца ў паведамленні ведамства.

Паводле крымінальнай справы былі затрыманыя сем супрацоўнікаў названых прадпрыемстваў. Усе яны прызналі факт атрымання грашовых сродкаў і супрацоўнічаюць са следствам. Цяпер да пяці з іх выкарыстаная мера стрымання ў выглядзе ўзяцця пад варту, да дваіх - залог.