Ціханоўская выступіла перад 700 дыпляматамі з усяго сьвету

Эўрапейская рада па міжнародных адносінах правяла онлайн-дыскусію.

Эўрапейская рада па міжнародных адносінах (ECFR) правяла онлайн-дыскусію «ЭЗ і Беларусь у 2021: Як Эўропа плянуе трымаць Беларусь у штодзённым парадку дня і працягне забясьпечваць палітычную падтрымку грамадзянскай супольнасьці Беларусі?».

На ёй выступілі міністры замежных справаў Францыі, Польшчы, Літвы і Румыніі, прадстаўнікі Эўракамісіі. У мерапрыемстве ўзялі ўдзел каля 700 дыпляматаў ЭЗ і іншых краін, паведамляе «Радыё Свабода».

На сустрэчы выступіў і дарадца Сьвятланы Ціханоўскай Франак Вячорка. Ён расказаў пра лягеры для пратэстуючых, створаныя сілавымі структурамі. Ён заявіў, што, улічваючы маштаб рэпрэсій над людзьмі, гаворка ідзе ня толькі пра пагрозу бясьпецы Беларусі, але і ўсяго рэгіёну.