Еўропа дазволіла аднавіць палёты Boeing-737 MAX
- 27.01.2021, 20:55
- 13,871
Забарона дзейнічала 22 месяцы.
Еўрапейскі авіярэгулятар зняў забарону на эксплуатацыю самалётаў Boeing 737 MAX.
Еўрапейскае агенцтва авіяцыйнай бяспекі (EASA) зняло 22-месячную забарону на палёты для Boeing 737 MAX у еўрапейскія аэрапорты. Пра гэта паведамляе Интерфакс.
«Правёўшы глыбокі аналіз, мы прыйшлі да высновы, што самалёты 737 MAX могуць бяспечна вярнуцца да палётаў», - заявіў галоўны выканаўчы дырэктар ведамства Патрык Кі.
У EASA падкрэслілі, што праведзеная ацэнка была цалкам незалежнай.
Пасля трагедыі ў Эфіопіі рэгулятары ва ўсім свеце забаранілі самалётам сямейства MAX лётаць. Звесткі расследаванняў засведчылі, што прычына авіякатастроф - праблемы з сістэмай кіравання палётам у самалётаў сямейства 737 MAX. Авіякампаніі пачалі адмаўляцца ад ужо ўкладзеных з Boeing кантрактаў на пастаўку гэтага тыпу самалёта, што на руку галоўнаму канкурэнту Boeing - кампаніі Airbus.