Праваабаронцу Леаніду Судаленку выставілі абвінавачванне
8- 28.01.2021, 20:17
- 19,131
Лаўрэат французскай прэміі «Свабода-Роўнасць-Братэрства» і прэміі «Хартыі-97» застаецца пад вартай.
Гомельскаму праваабаронцу Леаніду Судаленку выставілі абвінавачванне, паведамляе тэлеграм-канал «Вясна».
Гэта артыкул «Арганізацыя і падрыхтоўка дзеянняў, што груба парушаюць грамадскі парадак, і фінансаванне такой дзейнасці» (ч. 1 і 2 арт. 342 КК). Судаленка быў затрыманы 18 студзеня. Ён застаецца пад вартай у СІЗА-3 у Гомелі.
Леанід Судаленка ўзначальвае гомельскі філіял праваабарончага цэнтра «Вясна».