У Пермі знойдзены застрэленым былы начальнік калоніі «Белы лебедзь»

Мужчына знойдзены ў аўтамабілі Toyota Land Cruiser з агнястрэльнай ранай галавы.

Пермская паліцыя праводзіць праверку паводле факту выяўлення ў аўтамабілі Toyota Land Cruiser цела мужчыны з агнястрэльнай ранай галавы. Са звестак крыніц ТАСС і РІА "Новости", загінулы - экс-кіраўнік калоніі "Белы лебедзь" Ашот Саркісян, паведамляе kasparov.ru.

"Паводле папярэдняй інфармацыі, рухаючыся па другараднай дарозе на нераўназначным скрыжаванні, Toyota Land Cruiser 200 дапусціў сутыкненне з аўтамабілем Ford Focus. Паводле факту здарэння праводзіцца праверка, ўстанаўліваюцца ўсе абставіны здарэння", - паведамілі ў прэс-службе ГУ МУС Пермскага краю.

У выніку аварыі, удакладнілі ў паліцыі, пацярпела пасажырка Ford, ёй было прызначанае амбулаторнае лячэнне. Пасля таго, што здарылася, як піша Life, Саркісян наклаў на сябе рукі. Магчыма выкарыстаўшы для гэтага ўзнагародную зброю.

ВК №2 Пермскага краю, вядомая больш як "Белы лебедзь" прымае толькі асуджаных да пажыццёвага зняволення.

У 2019 годзе яго сына Ашота Саркісяна Эдгара, які раней займаў пасаду намесніка начальніка аддзела СКР Пермскага раёну, асудзілі да сямі гадоў пазбаўлення волі. Суд прызнаў яго вінаватым у замаху на пасрэдніцтва ў хабарніцтве.