Названыя пяць сімптомаў новага штаму каранавірусу

Іх наяўнасць патрабуе тэрміновага звароту да лекара.

Цэнтры кантролю і прафілактыкі захворванняў пералічылі пяць сімптомаў каранавірусу, якія патрабуюць неадкладнага звароту да лекара. Паводле гэтых прыкметаў можна западозрыць інфекаванне новым і больш заразным штамам, выяўленым на днях у Вялікай Брытаніі, піша lenta.ua.

На сёння няма доказаў таго, што новы штам каранавірусу больш небяспечны за папярэдні. Аднак навукоўцы сыходзяцца ў меркаванні, што ён з'яўляецца больш заразным і перадаецца значна імклівей, асабліва сярод моладзі. Каб максімальна засцерагчы сябе ад мутавалага патагену, неабходна своечасова счытваць сігналы, якія падае арганізм, і рэагаваць на іх.

Да сімптомаў, якія патрабуюць неадкладнага звароту да лекара, адносяцца ўскладненае дыханне, боль і ціск у грудзях, блытаніна ў свядомасці і дэзарыентацыя, змена адценняў вуснаў і твару на сіняватыя, а таксама анамальная дрымотнасць, якая перашкаджае нармальнаму абуджэння раніцай.

У цэнтрах кантролю і прафілактыкі захворванняў адзначылі, што гэта не ўсе прыкметы, якія паказваюць на магчымую прысутнасць новага каранавірусу ў арганізме, таму пры любым пагаршэнні самаадчування варта пракансультавацца са спецыялістам.