Шаранговіч - адзіны беларус, які застаўся ў камандзе НХЛ

Астатнія адправіліся ў фарм-клубы сваіх каманд.

Ягор Шаранговіч адзіны з беларускіх хакеістаў, якія выступаюць у Паўночнай Амерыцы, застаўся ў камандзе НХЛ. Беларускі форвард прадаўжае трэніравацца з «Нью-Джэрсі», паведамляе «Трибуна».

Іншыя беларускія хакеісты адправіліся ў АХЛ у фарм-клубы сваіх каманд:

Аляксей Протас - «Хершы» («Вашынгтон»)

Максім Сушко - «Ліхай Вэлі» («Філадэльфія»)

Ілля Салаўёў - «Стоктан» («Калгары»)

Яўген Аксянцюк - «Тэхас» («Далас»)

Уладзіслаў Калячонак - «Тусан Роўдранерс» («Арызона»)

Даніла Клімовіч - «Абатсфорд Кэнакс» (Ванкувер)

Беларускі абаронца «Вініпегу» Дзмітрый Кузьмін на гэты момант гуляе ў CHL за «Флінт», а Кірыл Усціменка, які змяніў беларускае грамадзянства на расейскае, выступацьме за «Рэдынг Роялс» з трэцяй лігі Паўночнай Амерыкі (ECHL).