Шэсць серыялаў, якія глядзяцца за адзін дзень

У кожнага з іх рэйтынг складае не менш за 8 з 10.

Спецыяльна для тых, хто знаходзіцца на карантыне дома, ёсць найлепшыя кароткія серыялы з рэйтынгам, не меншым за 8 з 10, кожны з якіх можна цалкам паглядзець за адзін дзень, піша «Популярная механика».

«Паліцэйскі атрад!», 1982

Так-так, год выпуску 1982-і, не здзіўляйцеся. Самы стары ў нашай падборцы серыял, але таму нікому і нічому ані не саступае. Яшчэ б, бо яго стваральнік - шыкоўны трыумвірат Цукер-Абрахамс-Цукер, якому належыць цэлы спіс выдатных камедый («Голы пісталет», «Гарачыя галовы», «Вельмі страшнае кіно» і т. д.). Увесь серыял - гэта суцэльныя пародыі на паліцэйскія драмы, а Лэслі Нільсэн у галоўнай ролі не мае патрэбы ў прэзентацыі. Крытыкам серыял спадабаўся, але пасля шасці эпізодаў тэлевізійная сетка ABC яго вытворчасць спыніла.

«Браты па зброі», 2001.

Адзін сезон, дзясятак серый, але кожная захоплівае дух. Калі вы ведаеце серыял пра Другую сусветную вайну лепшы за гэты, можаце чхнуць на нас не прыкрываючыся. Памятаеце круты фільм «Выратаваць шарагоўца Раяна»? Яго прадусарамі выступілі знакамітыя Стывен Спілберг і Том Хэнкс, які, дарэчы, ужо перахварэў на каранавірус. Дык вось серыял «Браты па зброі» - таксама іх рук справа. У масоўцы гэтай прыгожай стужкі задзейнічаныя больш за 2000 чалавек, а на адны толькі дэкарацыі стваральнікі змарнавалі 17 мільёнаў даляраў.

«Музычны блог доктара Жудаснага» 2008

Амерыканскі камедыйны міні-серыял першапачаткова ствараўся для бясплатнага распаўсюду ў інтэрнэце, а зняла яго на свае грошы за шэсць дзён сямейка Уіданаў: браты Джос (рэжысёр), Зак (сцэнарыст) і Джэд (кампазітар) з жонкай Марысай Танчароен. Усяго за тры 15-хвілінныя часткі вы даведаецеся гісторыю маладога хлопца па імі Уільям, які, пад псеўданімам Доктар Жудасны спрабуе стаць вялікім суперзлодзеем, а таксама пра яго заклятага ворага Капітана Малатка і таямнічай любові Пені. Гучыць так сабе, але паверце - вам спадабаецца.

«Чорнае люстэрка» 2011

Лейтматыў гэтага даўжэзнага серыяла вельмі актуальны ў нашы дні: уплыў інфармацыйных тэхналогій на чалавечыя стасункі. І так, мы схітравалі. Стужку кароткай ну ніяк не назавеш: на сёння знятыя пяць сезонаў, і пра закрыццё няма і гаворкі. Але паверце, варта пачаць глядзець гэта кіно, і вы не заўважыце ні карантын, ні каранавірус, нічога наогул. У дадатак, «Чорнае люстэрка» не ўспрымаецца як серыял, бо серыі паміж сабой наогул ніяк не звязаныя ні сюжэтнай лініяй, ні акторамі, ні часам, ні месцам дзеяння. Тэарэтычна, можна спыніцца ў кожны момант, але спрачаемся на пачак грэчкі, што вы гэтага не зробіце.

«Што ведае Алівія?», 2014

З аднаго боку гэты міні-серыял ад HBO звычайная меладрама, якіх мільярды. З іншага, усяго за чатыры гадзінныя серыі вы пражывяце разам з сям'ёй Кітэрыдж (Алівія - жонка, Генры - муж і Крыстафер - сын) 25 гадоў жыцця. Усе падзеі, няпростыя ўзаемастасункі з сынам, складанасці і перыпетыі. Словам, ёсць на што паглядзець і нават дзесьці правесці паралель з уласным жыццём. Нездарма крытыкі захоплена ацанілі серыял, які, у дадатак, нахапаў розных прэмій і намінацый, накшталт «Эмі» і «Залаты глобус».

«Малады папа», 2016

Думаеце, папа, які сядзіць у Ватыкане, асоба пакорная, блажэнная, ва ўсіх сэнсах станоўчая і нават сумная? Тады вам абавязкова трэба паглядзець «Маладога папу». Гэтая гісторыя пра гранічна наравістага, эксцэнтрычнага, самалюбнага, незалежнага і цвёрдага кіраўніка Лэні Белардо, які стаў пантыфікам у 47 гадоў. Будучы кардыналам, ён не выяўляў такіх якасцяў і такоее ператварэнне стала поўнай нечаканасцю для тых, хто яго прасоўваў на вышэйшую царкоўную пасаду. Нечакана арганічна ў ролі папы глядзіцца Джуд Лоў, а Даян Кітан, выяўляецца, вельмі пасуе ўбор манашкі.