У Беларусі зусім без ажыятажу стартавалі продажы новых iPhone

Часы, калі па свежыя «яблычныя» мабільнікі ўтвараліся чэргі, прайшлі.

У пятніцу, 15 кастрычніка, у Беларусі стартавалі афіцыйныя продажы новых iPhone. Часы, калі па свежыя «яблычныя» мабільнікі ўтвараліся чэргі, а аператары і крамы пачыналі сустракаць першых пакупнікоў апоўначы, даўно прайшлі. Прычын таму некалькі. Адна з іх - iPhone даўно не з'яўляецца паказчыкам прэстыжнасці.

Іншая звязаная, імаверна, з цяперашняй пандэміяй: многія не гатовыя лішні раз кантактаваць з людзьмі, асабліва калі ёсць магчымасць аформіць заказ праз інтэрнэт (і гэта трэцяя прычына: цяпер значная частка заказаў прыпадае менавіта на інтэрнэт-крамы). Варта ўзгадаць і пра фінансавы бок - прыбыткі беларусаў імкліва падаюць.

Onlíner усё ж наважыў паглядзець, што адбываецца ў флагманскіх крамах некаторых беларускіх аператараў сувязі, а заадно зазірнуў у пару іншых пунктаў продажаў.

Прыкладна так адбывалася сітуацыя ў МТС.

Зайшлі і ў A1.

Журналісты таксама пабывалі ў крамах i-Store. Тут расказалі, што з раніцы паспелі прадаць з дзясятак новых iPhone - часцей выбіраюць версію Pro Max.

Ледзь не выпусцілі яшчэ адзін важны аспект - гэта цана на iPhone 13. Яе ніколі нельга было назваць дэмакратычнай, аднак у беларускай рэчаіснасці лічбы з кожным разам выклікаюць усё больш здзіўлення.