Медыкі назвалі найлепшы сок для паніжэння ціску

Даследаванне было праведзенае пры ўдзеле больш за сто добраахвотнікаў.

Рэгулярнае ўжыванне цытрынавага соку можа знізіць высокі крывяны ціск. Гэтыя цытрусавыя багатыя вітамінамі, мінераламі і расліннымі злучэннямі, якія аказваюць спрыяльнае ўздзеянне на здароўе сэрца.

Знізіць высокі крывяны ціск можна прыняўшы правільныя дыетычныя рашэнні. Між іншым, узбагаціўшы свой стол цытрусавымі і сокам з іх, паведамляе Еxpress (пераклад - u-news.com.u).

Як гаворыцца ў навуковай працы, высокі крывяны ціск азначае, што сэрцу чалавека прыходзіцца больш старанна працаваць, каб перапампоўваць кроў па целе. А дадатковае напружанне можа прывесці да сардэчнага прыступу.

Навукоўцы прааналізавалі ўплыў часнаку і цытрыны на высокі крывяны ціск. Даследаванне было праведзенае пры ўдзеле больш за сто добраахвотнікаў. Іх падзялілі на тры групы і ўсталявалі для іх пэўную дыету.

Першая група прымала па 10 гр часнаку штодня пасля сняданку і абеду. У іншай групе пілі цытрынавы сок. Кантрольная група атрымлівала звычайнае медыцынскае лячэнне для гіпертонікаў.

Увесь гэты час падыспытным мералі ціск, распытвалі ў іх пра адчуванне. Праз тры тыдні лекары ацанілі вынік.

Выявілася, што ўжыванне часнаку і цытрынавага соку прывяло да зніжэння ўзроўню артэрыяльнага ціску і павышэння камфорту пацыентаў, але не назіралася ніякай розніцы паміж групамі з часнаком і цытрынавым сокам.

«Згодна з вынікамі даследавання, пацыенты з гіпертаніяй могуць павысіць узровень камфорту, ужываючы цытрынавы сок або часнок, тым самым больш эфектыўна кантраляваць узровень артэрыяльнага ціску», - зрабілі выснову даследнікі.

Таксама экспэрты рэкамендавалі рэгулярна адсочваць узровень крывянога ціску, асабліва з узростам. Яны ж нагадалі, што ідэальным артэрыяльным ціскам звычайна ўважаецца ад 90/60 да 120/80 мм рт. А вось паказанні артэрыяльнага ціску ад 120/80 да 140/90 мм рт.сл. могуць азначаць, што чалавек схільны да рызыкі развіцця высокага крывянога ціску.

«Нават невялікія змены ў дыеце могуць цалкам змяніць высокія паказчыкі, уключаючы танны напой, які вы можаце прыгатаваць дома, калі хочаце», - дадалі экспэрты.