«Мы не прымаем версію дзяржаўных СМІ Беларусі»

У ААН не пагадзіліся з ацэнкамі падзей вакол менскай канторы.

Вярхоўны камісарыят правоў чалавека ААН (ВКПЧ) не згодна з ацэнкамі ў Менску падзей, якія тычацца дзейнасці супрацоўнікаў канторы арганізацыі, якіх беларускія ўлады абвінавацілі ў «незаконнай аплаце паслуг адвакатаў» удзельнікаў пратэставых акцый. Пра гэта ТАСС паведамілі ў жэнэўскай штаб-кватэры камісарыяту.

- Мы не прымаем характарыстыку гэтай сітуацыі, якая была дадзеная, і асабліва версію падзей, пададзеную кантраляванымі дзяржавай СМІ, - адзначыў афіцыйны прадстаўнік ВКПЧ Рупэрт Колвіл.

Ён падкрэсліў, што па-ранейшаму захоўваюцца адрозненні ў поглядах паміж урадам і арганізацыяй у гэтым пытанні. У штаб-кватэры ВКПЧ выказваюць глыбокае шкадаванне з нагоды манеры, у якой сур'ёзныя абвінавачванні супраць персаналу ААН падаваліся на дзяржаўнай тэлевізіі, у тым ліку выкарыстанне запісаў абмену думкамі з дзяржаўнымі афіцыйнымі асобамі ў афіцыйных памяшканнях, што выяўна супярэчыць асабоваму праву на прыватнае жыццё, і належны працэс.

Колвіл нагадаў, што з 2020 года да пачатку 2021-га ВКПЧ выконвала праграму праз кантору каардынатара ААН у Менску для юрыдычнай дапамогі «ўразлівай групе ў Беларусі». Паводле ягоных слоў, на пачатку 2021 года ўрад краіны аспрэчыў дзеянні пэўных супрацоўнікаў ААН у гэтым аспекце. У адказ у ААН папрасілі ўрад падаць досыць падрабязна інфармацыю аб канкрэтных абвінавачаннях, а таксама фактычную падставу ўсякіх абвінавачванняў, якія разглядаюцца супраць персаналу ААН. З пададзеных арганізацыі звестак вынікае, што абвінавачванні тычацца ажыццяўлення афіцыйных функцый афіцыйнымі асобамі ААН, і ў сувязі з гэтым ААН заявіла аб дастасавальнасці імунітэту ў дачыненні да якога-небудзь працэсу ў гэтаму пытанню.

- Мы далей мяркуем, што гэтае пытанне можа быць разгледжанае беспасярэдне паміж старанамі, у поўнай адпаведнасці з прыдатныя міжнароднымі юрыдычным рамкамі, - падсумаваў Колвіл.