Новыя зводкі пра катастрофу ў Беларусі: Залаты фонд хірургаў-анколагаў кінулі на барацьбу з «каронай»

Медыкі расказалі шакавальныя факты.

Тэлеграм-канал «Белыя халаты» дадаў інфармацыі да шакавальнай зводкі навінаў пра COVID-19 у Беларусі:

Мікрахірургія-1 у 10 ГКБ зачыняецца пад прыём каранавірусных пацыентаў. Застаецца «чыстай» толькі мікрахірургія-2.

Адзінае «чыстае» аддзяленне на татальна каранавірусную лякарню, на жаль, прыносіць некаторым пацыентам, якіх шпіталізуюць у чыстую мікрахірургіі, непрыемны сюрпрыз у выглядзе COVID. Аднак медыкі не выключаюць, што неўзабаве зноў уся 10 ГКБ цалкам будзе працаваць толькі як інфекцыйная лякарня.

За ўчорашнюю ноч у менскім онкадыспансеры (МГКАД) памерлі 6 кавідных пацыентаў.

Некаторым онкапацыентам МГКАД сапраўды пераносяць аператыўныя ўмяшанні праз пастанову закрыць пад прыём каранавірусных пацыентаў 5 корпус МГКАД. Нам пішуць:

«Добры дзень. Я пацыент онкадыспансера. Прызначаная была аперацыя на 20.10 тэрміновая праз агрэсіўны рак, але сёння патэлефанавалі і сказалі, што адкладзена ўсё да нявызначанага часу. Ніхто нічога не ведае. Сказалі чакаць, што патэлефануюць. Залаты фонд хірургаў-анколагаў будзе кінуты на барацьбу з каронай. Яны называюць гэта катастрофай і для сябе, і для онкахворых».

«Добры дзень, на панядзелак была прызначаная аперацыя ў МГКАД, усё скасавалі: бегайце і шукайце самі, дзе зрабіць аварыэатамію. Была гармоназалежная пухліна, цяпер рэцыдыў, мне трэба тэрмінова выдаліць яечнікі. Можа, ёсць ідэі, дзе? Усё зачынена, нідзе не бяруць...»

Акрамя онкадыспансера зачыненая на кавідныя ложкі гінекалагічная лякарня ў Менску, усе планавыя аперацыі скасаваныя з кастрычніка.

Часова, з 28 верасня, прыпыненая медыцынская дапамога ў Гарадскім кабінеце паталогіі клімаксу, у Гарадскім цэнтры лекавання эндаметрыёзу, на ложках кароткатэрміновай амбулаторнай хірургіі, планавыя аператыўныя ўмяшанні. Усе гэтыя ложкі пераведзеныя пад прыём кавідных хворых.