Больш «мэтавікаў», адзіны іспыт і пяцігодкі ў школах: Новыя нечаканкі для беларускай адукацыі

Што чакае вучняў і іх бацькоў?

Усё больш выразнымі становяцца чарговыя рэформы беларускай адукацыі: з 2023 года выпускнікоў чакае адзіны іспыт, але пры гэтым адмаўляцца ад ЦТ у Міністэрстве адукацыі цалкам не збіраюцца. Пакуль адкрытымі застаюцца пытанні вусных экзаменаў: ці давядзецца выпускнікам здаваць вусна гісторыю Беларусі і замежную мову, дакладна невядома.

У аўторак пасля нарады ў Лукашэнкі ў пытаннях адукацыі міністр адукацыі краіны Ігар Карпенка расказаў журналістам, піша Progomel.by, якія важныя пастановы, што датычацца будучыні школьнікаў і студэнтаў, ужо фактычна прынятыя, а якія яшчэ пад пытаннем.

З 2023 года чакаецца ўвядзенне адзінага іспыту, сумешчанага з цэнтралізаваным тэставаннем. У якасці варыянту абмяркоўвалася пытанне ўвядзення яго з 2022 года, аднак, як прызнаўся кіраўнік Мінадукацыі, "прыйшлі да высновы, што ўсё ж з 2023 года ўвесці, каб даць год як адаптацыйны перыяд для тых школьнікаў, якія ўжо змогуць паводле новай сістэмы здаваць экзамены ў школе і выкарыстоўваць іх вынікі для паступлення ў ВНУ".

Абавязковымі іспытамі для выпускнікоў 11 класаў будзе расейская альбо беларуская мова (на жаданне) і матэматыка.

У Мінадукацыі пакуль не вызначыліся канчаткова з нагоды вусных экзаменаў. Там не выключаць увядзення вусных экзаменаў у гісторыі Беларусі і замежнай мове, аднак гэтае пытанне пакуль не вызначанае і знаходзіцца ў стадыі абмеркавання – гэтак сама, як і тэрміны яго ўвядзення, калі будзе прынятая станоўчая пастанова.

У той самы час, цалкам ад ЦТ у беларускай адукацыі пакуль не маюць намеру адмаўляцца, якія б іншыя іспыты не былі ўведзеныя дадаткова. Карпенка адзначыў пазітыўныя бакі гэтага віду тэставання, а таксама той факт, што ўвядзенне ЦТ дазволіла развязаць пытанні з карупцыяй у адукацыі.

Стане больш "мэтавікаў". Адбор такіх абітурыентаў мяркуецца ажыццяўляць на аснове правядзення ўнутранага ўступнага іспыту паводле профільнага вучэбнага прадмета, які будзе праводзіцца да ЦТ.

Міністр адукацыі, як і раней, выступіў супраць увядзення дыстанцыйнай формы адукацыі. Ён не выключае некаторых яе элементаў, аднак не схільны меркаваць, што "Дыстанцыйнае кіраванне" здольнае замяніць вочную адукацыю. "Уся прафесійная адукацыя ў нас практыкаарыентаваная. А калі мы гаворым пра вышэйшую адукацыю, то з спалучэннем яшчэ і фундаментальнай падрыхтоўкі", – заявіў ён.

У той самы час у найбліжэйшы час у некаторых правілах прыёму ў вышэйшыя і сярэднія спецыяльныя навучальныя ўстановы можа з'явіцца такі радок, што прыём ажыццяўляецца на дыстанцыйную форму навучання. Верагодней за ўсё, яна будзе тычыцца гуманітарных кірункаў і курсаў перападрыхтоўкі.

У новым Кодэксе прапішуць права бацькоў аддаваць дзяцей у школу раней за 6 гадоў пры ўмове іх гатоўнасці.

Канчатковае прыняцце "дэпутатамі" новай рэдакцыі Кодэкса аб адукацыі з некаторымі "тэхнічнымі праўкамі", якія ўзніклі пасля нарады, можа адбыцца ўжо ў найбліжэйшы час.