Французскі амбасадар пакінуў Менск

Ён адмовіўся ўручаць даверчыя граматы Лукашэнку.

З інфармацыі «Белсату», амбасадар Францыі Нікаля дэ Буян дэ Лакост сёння быў вымушаны пакінуць Менск. Гэта было вынікам нежадання Парыжа ўручаць даверчыя граматы Аляксандру Лукашэнку.

Пасол у 2020 годзе перадаў Макею копіі даверчых грамат і ўхіляўся ад кантактаў з Лукашэнкам.

Пазней інфармацыю пра вымушаны ад'езд амбасадара пацвердзіла французскае агенцтва «Франс Прэс».