Лекарка: Уся Беларусь гарыць чырвоным полымем
87- 18.10.2021, 13:05
- 100,294
На момант пачатку чацвёртай хвалі толькі 18% насельніцтва Беларусі было прышчэплена.
Беларуская лекарка-пульманолаг Яўгенія Барысевіч на сваёй Instagram-старонцы заклікала беларусаў да вакцынацыі:
- Абсалютна катэгарычна і настойліва заяўляю, бяжыце ўсе прышчапляцца ад каранавіруснай інфекцыі, хто яшчэ гэтага не зрабіў! Уся Беларусь гарыць чырвоным полымем. Не выпрабоўвайце лёс і нашы магчымасці (а яны не такія вялікія, як здаецца).
Насельніцтва не давярае і недастаткова інфармаванае аб вакцынах. Вакол пераказваюць гісторыі пра пабочныя дзеянні, а таксама аб узбагачэнні на насельніцтве. Дык вось, я як практыкуючы лекар-пульманолаг (працую ў чырвонай зоне з пачатку з'яўлення вВіруса у РБ), які не мае ніякай камерцыйнага цікавасці, заяўляю, што вакцына сябе апраўдала!
Вакцынаваныя, якія паступілі на шпітальныя ложкі да нас у стацыянар пераносяць хваробу значна лягчэй і бязбольна, чым не прышчэпленыя.
На момант пачатку чацвёртай хвалі толькі 18% насельніцтва РБ было прышчэплена. Таму маем, што маем.
Калі вы хочаце ўявіць сёлетнюю карцінку абстаноўкі ў нашых стацыянарах, паглядзіце сацыяльную рэкламу і ролікі з Італіі і Гішпаніі 1-ай хвалі. На жаль, у нас нічога падобнага не паказваюць, а трэба было б! Было б вельмі павучальна.
Спадзяюся, што хоць камусьці гэтая інфармацыя стане карыснай і маё меркаванне як лекаркі, аўтарытэтнае без лішніх довадаў.
Я прышчэпленая «Спутником» і планую рэвакцынавацца ў лістападзе.