20 студзеня 2022, Чацвер, 17:22
Сім сім, Хартыя 97!
Рубрыкі

Замежнапалітычная служба ЕЗ падтрымала новыя санкцыі супраць рэжыму Лукашэнкі

13
Замежнапалітычная служба ЕЗ падтрымала новыя санкцыі супраць рэжыму Лукашэнкі

Жазэп Барэль заявіў, што Брусэлю патрэбны новыя рэстрыктыўныя захады супраць афіцыйнага Менска.

Еўрапейская служба замнежных дзеянняў выступае ў падтрымку ўвядзення шостага блока санкцый ЕЗ супраць Беларусі. Пра гэта заявіў у панядзелак вярхоўны прадстаўнік ЕЗ у замежных справах і палітыцы бяспекі Жазэп Барэль на сустрэчы кіраўнікоў МЗС ЕЗ у Люксембург, піша ТАСС.

«Нам, безумоўна, патрэбныя дадатковыя захады. Але давайце паглядзім, якія захады распачнуць краіны Еўразвяза», - заявіў ён у адказе на пытанне, ці патрэбныя новыя рэстрыктыўныя захады супраць Беларусі і авіякампаніі «Белавія», якая, на думку Брусэля, дастаўляе мігрантаў у Беларусь, для іх наступнай адпраўкі ў Літву і Польшчу.

Раней міністр замежных спраў Латвіі пацвердзіла, што кіраўнікі МЗС ЕЗ у ліку іншых пытанняў будуць абмяркоўваць шосты блок санкцый супраць Беларусі, якія могуць уключаць не толькі абмежавальныя захады супраць канкрэтных асоб, але і ўвядзення абмежаванняў для Беларусі на лізінг самалётаў у ЕЗ.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».