У Грэцыі запалілі алімпійскі агонь Пекіна-2022
2- 18.10.2021, 15:56
- 1,660
Цырымонія прайшла ў старажытнай Алімпіі.
У грэцкай Алімпіі прайшла цырымонія запальвання алімпійскага агню зімовых Гульняў 2022 года, піша «УНІАН».
Урачыстая падзея адбылося без гледачоў праз пандэмію каранавіруса.
Эстафету агню, які будзе дастаўлены ў Пекін, пачынае грэцкі гарналыжнік Ёаніс Антоніу.
У цырымоніі ўдзельнічаў кіраўнік Міжнароднага алімпійскага камітэта (МАК) Томас Бах, які выступіў з палымянай прамовай.
Алімпіяда-2022: што трэба ведаць
Зімовыя Алімпійскія гульні ў Пекіне пройдуць з 4 да 20 лютага 2022 года.
Талісманам Алімпіяды-2022 будзе панда Бін Дуньдунь.
Медалі будуць разыграныя ў 109 дысцыплінах. На гэтых Гульнях упершыню будуць разыгрывацца медалі ў жаночым слоўп-стайле (фрыстайл), мужчынскім і жаночым біг-эйры (сноўборд), змяшанай эстафеце ў шорт-трэку і жаночых адзіночных заездах у бабслеі.