Беларускія цыгарэты на амаль 300 тысяч еўраў затрымалі ў Літве
5- 19.10.2021, 17:50
- 4,516
Іх спрабаваў увезці ў краіну кіроўца-расеец.
Грузавы аўтамабіль пераязджаў беларуска-літоўскую мяжу ў пункце пропуску «Лаварышкес». Кіроўца-расеец заявіў, што вязе 7 тон мэблі з Масквы ў Калінінградскую вобласць Расеі, паведамляе мытня Літвы.
Пры сканаванні грузавога аўтамабіля мытнікі выявілі, што ў частцы пакаванняў перавозяцца цыгарэты. Са схованак канфіскавалі 80 тысяч пачкаў цыгарэт Minsk з беларускімі акцызнымі маркамі. Кошт партыі разам з падаткамі ацэньваецца на больш чым 283 тысячы еўраў.
Грузавік і цыгарэты затрыманыя. Кіроўца затрыманы на два дні, разглядаецца пытанне аб яго дасудовым затрыманні.