ЗША надумалі ўзмацніць ціск на рэжым у Беларусі
9- 20.10.2021, 13:22
- 37,412
Камітэт замежных спраў Сэната прыняў рэзалюцыю.
Камітэт у замежных справах Сэната Кангрэса ЗША ў аўторак прыняў рэзалюцыю з заклікам да ўрада краіны ва ўзаемадзеянні з хаўруснікамі нарошчваць ціск на ўлады Беларусі. Пра гэта паведаміў у Twitter старшыня гэтага камітэта, прадстаўнік Дэмакратычнай партыі ад штата Нью-Джэрсм Робэрт Менендэс.
Ён заявіў, што ў дакуменце «выказваецца меркаванне Сэната што да палітычнай сітуацыі ў Беларусі». Са слоў Менендэса, далей рэзалюцыю разгледзіць верхняя палата Кангрэса ЗША поўнага складу.
У рэзалюцыі сэнатары «заклікаюць да правядзення новых прэзідэнцкіх і парламенцкіх выбараў у Беларусі, якія павінны быць свабоднымі і справядлівымі, прайсці ў адпаведнасці са стандартамі АБСЕ, пры ўдзеле назіральнікаў АБСЭ і незалежных мясцовых назіральнікаў».
У дакуменце таксама адзначаецца, што сэнатары маюць намер «адмаўляцца прызнаваць Аляксандра Лукашэнку законна абраным лідарам Беларусі».
Амерыканскія заканадаўцы заклікалі партнёраў максімальна ціснуць на ўлады ў Менску і віталі санкцыі Еўразвязу, як ужо уведзеныя, так і планаваныя.