29 сакавiка 2024, Пятніца, 4:34
Падтрымайце
сайт
Сім сім,
Хартыя 97!
Рубрыкі

У Маскве праз COVID-19 уводзяць «хатні рэжым» для паджылых людзей

11
У Маскве праз COVID-19 уводзяць «хатні рэжым» для паджылых людзей

Меры закрануць жыхароў расейскай сталіцы старэйшых за 60 гадоў.

Мэр Масквы Сяргей Сабянін абвясціў аб новых абмежавальных мерах у сувязі са складанай эпідэміялагічнай сітуацыяй, перадае "Радыё Свабода". Перш за ўсё, яны тычацца гараджан старэйшых за 60 гадоў. Са слоў Сабяніна, з трох мільёнаў масквічоў старэйшага ўзросту толькі крыху больш за трэць прайшлі вакцынацыю. Пры гэтым менавіта людзі старэйшыя за 60 гадоў складаюць 60 адсоткаў пацыентаў з COVID-19 у шпіталях, а сярод тых, хто памёр ад наступстваў захворвання іх дзель дасягае 86 адсоткаў.

У сувязі з гэтым з 25 кастрычніка да 25 лютага 2022 года жыхары Масквы старэйшыя за 60 гадоў і людзі з хранічнымі захворваннямі павінны выконваць "хатні рэжым" па месцы пастаяннага жыхарства або на лецішчах. Дазволеныя шпацыры і заняткі фізкультурай на свежым паветры. Працоўныя грамадзяне маюць права аформіць лісток непрацаздольнасці.

Ад хатняга рэжыму вызваляюцца тыя, хто ў апошнія паўгода перахварэў на COVID-19 або прайшоў вакцынацыю.

Мэрыя Масквы таксама абавязала працадаўцаў перавесці на дыстанцыйны рэжым працы не менш за 30 адсоткаў ад агульнай колькасці работнікаў, а таксама ўсіх работнікаў старэйшых за 60 гадоў і людзей з хранічнымі захворваннямі - акрамя перахварэлых і вакцынаваных. Гэта патрабаванне не закранае работнікаў медыцынскіх арганізацый, прадпрыемстваў абароннага комплексу, "Расатама", "Раскосмаса" і шэрагу іншых стратэгічных галін.

Акрамя таго, галоўны санітарны лекар Масквы абавязаў да 1 студзеня 2022 года вакцынаваць не менш за 80 адсоткаў ад агульнай колькасці супрацоўнікаў сферы паслуг. Да 1 снежня неабходна зрабіць прышчэпку першым кампанентам.

19 кастрычніка віцэ-прэм'ерка Таццяна Голікава прапанавала ўвесці непрацоўныя дні ў краіне з 30 кастрычніка да 7 лістапада. Рэгіёнам са складанай эпідэміялагічнай сітуацыяй прапануецца даць права ўвядзення непрацоўных дзён ужо з бліжэйшай суботы, 23 кастрычніка. Канчатковую пастанову сёння прыме прэзідэнт Уладзімір Пуцін.

Гэтая мера павінна дапамагчы аблегчыць сітуацыю з пандэміяй каранавіруснай інфекцыі новага тыпу ў Расеі.

На працягу апошняга месяца колькасць заражэнняў COVID-19 у Расеі вырасла на 70 адсоткаў, пры гэтым практычна кожны дзень фіксуецца сутачны максімум як новых выпадкаў захворвання, так і памерлых. Толькі ўчора ў Расеі, уключаючы анэксаваны Крым, памерлі 1 015 пацыентаў з пацверджанай каранавіруснай інфекцыяй новага тыпу.

Расейскія ўлады тлумачаць такую статыстыку недастатковай вакцынацыяй. На сённяшні дзень поўную вакцынацыю двума дозамі прэпарата прайшлі толькі 34 адсоткі расейцаў.

Напісаць каментар 11

Таксама сачыце за акаўнтамі Charter97.org у сацыяльных сетках