30 лiстапада 2021, aўторак, 21:04
Сім сім, Хартыя 97!
Рубрыкі

Неўзабаве ўся Беларусь далучыцца да стачкі

3
Неўзабаве ўся Беларусь далучыцца да стачкі
Фото: ТАСС

Хто з вядомых беларусаў падтрымаў патрабаванні рабочых?

Беларускія палітыкі, грамадскія дзеячы, журналісты і спартоўцы выказалі салідарнасць і падтрымалі дзесяць патрабаванняў Беларускага аб'яднання рабочых.

«Мы заклікаем урад краіны неадкладна прыступіць да іх выканання для развязання палітычнага і эканамічнага крызісу. Калі патрабаванні не будуць выкананыя ў самыя кароткія тэрміны, грамадзяне могуць скарыстацца правам на страйк», - заявілі падпісанты звароту.

Сайт Charter97.org наважыў паглядзець, хто з вядомых беларусаў падтрымаў патрабаванні рабочых.

Лідары апазіцыі

Лідар грамадзянскай кампаніі «Еўрапейская Беларусь», кандыдат у прэзідэнты Андрэй Саннікаў, чалец Прэзідыума Каардынацыйнай рады, кіраўнік Народнай антыкрызіснай управы Павел Латушка, былы кандыдат у прэзідэнты Беларусі Валерый Цапкала і ягоная жонка Вераніка Цапкала, каардынатар грамадзянскай кампаніі «Еўрапейская Беларусь» Зміцер Бандарэнка, чалец прэзідыума партыі «Народная Грамада» Вераніка Мішчанка.

Зоркі спорту

Трохразовая чэмпіёнка свету ў самба Анастасія Архіпава, срэбраная прызёрка Алімпійскіх гульняў Наталля Лешчык, прызёрка Алімпійскіх гульняў у плаванні, кіраўніца Беларускага фонду спартовай салідарнасці Аляксандра Герасіменя, чэмпіён Еўропы ў лёгкай атлетыцы, прызёр Алімпійскіх гульняў Андрэй Краўчанка, чэмпіён свету і Еўропы ў самба Сцяпан Папоў, майстар спорту міжнароднага класа ў лёгкай атлетыцы Крысціна Ціманоўская.

Прадстаўнікі СМІ і блогеры

Кіраўнік платформы «Zurb» і «Маланка-media» Павал Марыніч, галоўная рэдактарка сайта Charter97.org Наталля Радзіна, журналіст Анджэй Пісальнік, блогер, аўтар канала «Рэальная Беларусь» Арцём Шапараў, блогер, аўтар канал «Беларусь за перамены» Мікалай Маслоўскі.

Дзеячы культуры

Оперная спявачка Маргарыта Ляўчук, кінарэжысёр Юрый Хашчавацкі, паэт, былы кандыдат у прэзідэнты Беларусі Уладзімір Някляеў, спявачка і актрыса Вераніка Круглова.

Таксама свае подпісы пад заявай паставілі: былы галоўны дзяржаўны санітарны лекар горада Менска Іван Вайтовіч, унучка першага кіраўніка Беларусі Станіслава Шушкевіча, сузаснавальніца Беларускага Моладзевага хаба Станіслава Гліннік, палітолаг Дзмітрый Балкунец, экс-супрацоўнік адміністрацыі Лукашэнкі Анатоль Котаў, выканаўчы дырэктар Беларускага фонду спартовай салідарнасці Аляксандр Апейкін і многія іншыя.

Зварот застаецца адкрытым для падпісання па спасылцы.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».