9 снежня 2021, Чацвер, 16:30
Сім сім, Хартыя 97!
Рубрыкі

Пуцін пагадзіўся абвясціць у Расеі непрацоўныя дні з 30 кастрычніка

6
Пуцін пагадзіўся абвясціць у Расеі непрацоўныя дні з 30 кастрычніка
Фота: Shutterstock

У некаторых рэгіёнах такі захад могуць увесці датэрмінова.

Уладзімір Пуцін пагадзіўся з прапановай віцэ-прэм'ера РФ Таццяны Голікавай аб увядзенні ў Расеі новага перыяду непрацоўных дзён у сувязі з пандэміяй COVID-19, паведамляе РБК.

У ліку іншых прапаноў Голікавай было:

Дазволіць допуск на асобныя аб'екты (у тым ліку на працоўныя месцы) выключна для прышчэпленых і перахварэлых на каранавірус пры прад'яўленні QR-кода;

перавесці на месяц на самаізаляцыю не прышчэпленых і не перахварэлых на каранавірус асоб, старэйшых за 60 гадоў.

На нарадзе Голікава таксама прапанавала грамадзянам устрымацца ад паездак у іншыя рэгіёны.

У рэгіёнах з найбольш складанай сітуацыяй рэжым непрацоўных дзён можа пачацца ўжо 23 кастрычніка.

19 кастрычніка віцэ-прэм'ер урада Таццяна Голікава прапанавала абвясціць непрацоўнымі дні ў перыяд з 30 кастрычніка да 7 лістапада для прадухілення росту захворвання на каранавірусную інфекцыю. З яе слоў, у некаторых рэгіёнах ўвесці такі захад можна з 23 кастрычніка.

Пуцін таксама сказаў кіраўнікам рэгіёнаў, што яны могуць устанавіць непрацоўныя дні датэрмінова - не чакаючы 30 кастрычніка.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».