«Еўрапейская салідарнасць» Пятра Парашэнкі выйшла на першае месца паводле папулярнасці ва Украіне
28- 21.10.2021, 9:54
- 4,750
Партыя «Слуга народа» ўпершыню з 2019 года страціла пазіцыю лідара ў рэйтынгу папулярнасці.
Кіроўная ва Украіне партыя «Слуга народа» ўпершыню з 2019 года страціла пазіцыю лідара ў рэйтынгу папулярнасці палітычных сілаў у краіне, саступіўшы першае месца партыі экс-прэзідэнта Пятра Парашэнкі «Еўрапейскай салідарнасці».
Пра гэта сведчаць апублікаваныя ў чацвер вынікі апытання Кіеўскага міжнароднага інстытута сацыялогіі (КМІС).
«Даволі высокую падтрымку маюць чатыры партыі: «Еўрапейская салідарнасць» - 13,9% [падтрымкі] усіх рэспандэнтаў і 15,7% сярод тых, хто вызначыўся з выбарам; «Слуга народа» - адпаведна 13,7% і 15,5%; «Бацькаўшчына» [экс-прэм'ера Юліі Цімашэнкі] - 12% і 13,6% і АПЗЖ ( «Апазіцыйная платформа - За жыццё») - 11,5% і 13%», - адзначаецца на сайце сацыялагічнай службы.