У Турцыі затрымалі чацвярых расейцаў, якія рыхтавалі напад на чачэнскіх апазіцыянераў

Іх таксама падазраюць у міжнароднай шпіёнскі дзейнасці.

У Турцыі арыштавалі шасцярых замежных грамадзян, сярод якіх чацвёра расейцаў, грамадзяне Узбекістана і Украіны, паведамляе газета Sabah са спасылкай на галоўную пракуратуру Стамбула (пераклад - currenttime.tv). Затрыманых абвінавачваюць у падрыхтоўцы ўзброенага нападу на нейкіх чачэнскіх апазіцыянераў.

Выданне Hurriyet дае імёны арыштаваных: гэта чацвёра грамадзян Расеі Абдула Абдулаеў, Раўшан Ахмедаў, Беслан Расаеў і Асланбек Абдулмуслімаў, а таксама грамадзяне Узбекістана і Украіны Амір Юсупаў і Ігар Ефрым. Суд арыштаваў абвінавачаных. Яны знаходзяцца ў турме ў Малтэпе ў правінцыі Стамбул.

Следства мяркуе, што, акрамя падрыхтоўкі нападаў на чачэнскіх апазіцыянераў, арыштаваныя "могуць быць уцягнутыя ў міжнародную шпіёнскую дзейнасць". Іх падазраюць у вайсковым і палітычным шпіянажы, паводле гэтага артыкула прадугледжанае пакаранне ў выглядзе турэмнага зняволення на тэрмін ад 15 да 20 гадоў.

Раней рэдакцыя Кавказ.Реалий са спасылкай на мясцовую чачэнскую дыяспару паведамляла, што падазраваных звязваюць з замахам на двух чалавек: блогера Хасана Халітава і камандзіра аднаго з атрадаў чачэнскіх джыхадзістаў у Сірыі - Рустама Ажыева. У пачатку верасня іх звязвалі з нападам на прыхільніка кіраўніка Чачэніі Рамзана Кадырава ў Стамбуле. Родныя збітага прыхільніка Кадырава пазней абвясцілі Халітову крывавую помсту пры верагоднай падтрымцы чачэнскіх чыноўнікаў.

Дзявятага кастрычніка падчас аперацыі, якую правяла ўправа ў барацьбе з тэрарызмам паліцыі Стамбула і нацыянальная выведка, затрымалі шасцярых замежнікаў. У падазраваных канфіскавалі тры пісталеты, адзін з якіх быў з глушыцелем і лазерным тэлепаказальнікам, патроны да іх і да іншай зброі. Тэлеканал Haberturk апублікаваў фатаграфію, на якой відаць, што адзін з канфіскаваных пашпартоў быў расейскім.

Крыніца РІА Новости раней паведамляла, што ўсе затрыманыя расейцы - выхадцы з Чачэніі. У Крамлі заявілі, што не маюць інфармацыі аб затрыманні расейцаў у Турцыі. "Калі гэта сапраўды расейскія грамадзяне, то, напэўна, мы ўжо атрымалі б прах дыпканалы, ці атрымаем нейкую інфармацыю", - казаў прэс-сакратар прэзідэнта Дзмітрый Пяскоў.