Стала вядома, каму Аляксей Навальны прысвяціў прэмію Сахарава

Расейскі апазіцыянер падзякаваў Еўрапарламенту за ўзнагароду.

Расейскі апазіцыянер Аляксей Навальны, які знаходзіцца ў зняволенні з палітычных матываў, даведаўся аб прысуджэнні яму прэміі Сахарава падчас сустрэчы са сваім адвакатам. "Я вельмі ўдзячны Еўрапарламенту, што наша праца так высока ацэненая. Мы будзем старацца і далей".

Навальны заявіў, што хоча прысвяціць сваю прэмію змагарам з карупцыяй ва ўсім свеце "у іх якасцях": ад журналістаў да адвакатаў, ад чыноўнікаў і дэпутатаў да тых, хто выходзіць на вуліцу, каб падтрымаць гэтую барацьбу. "Зычу ім настойлівасці і адвагі нават у тыя моманты, калі трошкі страшна", - адзначыў апазіцыянер.

Аляксей Навальны выказаў падзяку еўрадэпутатам за вылучэнне на прэмію, а таксама самому Еўрапарламенту.