Меркаванне: Расея рыхтуе ліхтар, на якім «павесяць» Лукашэнку

Пачалася праграма дыскрэдытацыі Таракана.

Некалькі дзён запар мы атрымліваем сігналы, што Расея наўмысна тыкае ў Лукашэнку вастрыём прапаганды, піша тэлеграм-канал CYNIC.

Спачатку мы ўбачылі эфір на НТВ, у якім адкрыта заявілі, што Луку час скідаць з крэсла. Там жа ўдакладнілі, што ніякіх асаблівых дасягненняў у Лукашэнкі няма, хоць да гэтага на ўсіх федэральных каналах стаяла поўная забарона на згадку Лукі ў дрэнным кантэксце – добрага пра яго сказаць няма чаго, таму проста забарона на згадку.

Потым мы высвятляем, што Крэмль ідзе на кантакт з Захадам, хоць адначасова з гэтым выступае Пуцін, які расказвае плойму пацешных рэчаў, сэнс якіх заключаецца ў працы на "праўладную аўдыторыю" – ківок у бок Захаду "патрыётам" пакуль не паказалі. Сігнал мы зафіксавалі – Нуланд задаволеная, Байдэн у рэжыме чакання.

І сёння злілі "апытанне", якое рабілася летам спецыяльна для АП. Варта ўдакладніць, што ў аўтарытарных дзяржавах выключна апытанні для АП з'яўляюцца рэпрэзентатыўнымі і сумленнымі – усё астатняе з'яўляецца інструментам палітычнай гульні. Наконт праўдзівасці справаздачы гаварыць пакуль рана, але тое, што яна ўзгодненая з шэрагам крамлёўскіх сілаў, казаць ужо можна.

Нагадаю, што яшчэ перад гэтым мы бачылі, як кіраўнік "Камсамолкі" рэзка перайшоў з мяккай пазіцыі да фразы "вялікая памылка Менска", а потым фактычна заявіў, што з Лукой час заканчваць. Гэта вельмі падобна на ўзгоднены пасыл.

Уласна праз гэтыя пасылы Лука апошнія некалькі дзён знаходзіцца ў стане панікі і здранцвення ды вярзе поўную лухту. З Лукі скляпалі ідыёта, перапісалі ягоную заяву пра "лекаванне раку кавідам" для расейскага чытача, каб той пакруціў пальцам ля скроні. Лука сам падставіўся – фразай банальна скарысталіся: давялося апраўдвацца, што ў фразе з пасылам "праз павелічэнне захворвання на кавід сталі менш хварэць на рак, і гэта добра, таму што нам кавід лячыць прасцей, а вам – не ведаю" ёсць другое дно, але ані падвойнага, ні трайнога сэнсу ў яе не закладзена – нават першага не выяўлена.

Вернемся да апытання: большасць грамадзянаў Беларусі выступае супраць інтэграцыі і за скіданне Лукашэнкі.

Гэтыя звесткі – гэта дзіда ў палац, і насельнікі палаца гэта ўсвядомілі.

У Расеі павольна пачалася праграма дыскрэдытацыі Лукашэнкі – пакуль павольна прамацваюць абстаноўку, крок за крокам зрушваючы дошку і зацягваючы пятлю на шыі. Магчымы кампраміс са Штатамі і наяўнасць прамых дамоўленасцяў лідараў РФ і ЗША гуляюць на нервы "стырніку".

"Онлайн-сустрэча" была толькі першым трывожным ударам з сэрца "апошняга дыктатара Еўропы". Меч на зямлю, галаву на плаху – за ўсё ў гэтым жыцці давядзецца плаціць, і здаецца, што Расея (калі Лука не абвесціць пра сенсацыйную ўгоду) з асалодай будзе па-садысцку душыць Луку за ўсе доўгія гады здрады...

Калі Лукашэнка паспрабуе саскочыць з угодаў, то ўсе стрэльбы стрэляць. Ён застанецца тэт-а-тэт з народам і санкцыйным спісам. І тады яго павольна пачне зразаць калектыўная геапалітычная сіла – жорстка і па-садысцку – без гільяціны – а ржавым незавостраным ножыкам скончаць этап "дыктатуры Лукашэнкі".

Дадаецца кейс матэрыялам "Незалежнай Газеты" пра страйк.

А пакуль нам надавалі занадта шмат сігналаў. У палац час завозіць памперсы бульдозерамі. Іх хутка хапаць не будзе.